އިބްރާހީމް ރާމިޒް
ރާއްޖޭގެ މީހުން ދިރިއުޅޭ ކޮންމެ ރަށެއްގައި އެމްޑީޕީގެ އިދާރީ އޮފީހެއް ގާއިމްކުރުމަށް އެ ޕާޓީން ފަަށާފައިވާ މަސައްކަތުގެ ދަށުން ރާއްޖޭގެ ހުރިހާ ކަންކޮޅެއްގައި އިދާރީ އޮފީސް ގާއިމްކުރުމުގެ މަސައްކަތް ވަރަށް ބާރަށް ކުރިޔަށް އެބަދެއެވެ.
މިގޮތުން ޚާއްސަ ގޮތެއްގައި އެމްޑީޕީގެ ޗެއަރޕާސަން މޫސާ މަނިކު މިހާތަނަށް މަސައްކަތު ބައްދަލުވުން ބާއްވާފައިވާ 3 އަތޮޅު ކަމަށްވާ ހއ، ހދ އަދި ލ. އަތޮޅުގައި އިދާރީ އޮފީސް ގާއިމްކުރުމުގެ މަސައްކަތް ވަރަށް ބާރަށް ކުރިޔަށްދާ ކަމަށް އެމްޑީޕީން ބުނެއެވެ.
ރާއްޖޭގެ މީހުން ދިރިއުޅޭ ކޮންމެ ރަށެއްގައި އެމްޑީޕީގެ އިދާރީ އޮފީހެއް ގާއިމްކުރުމަށް އެޕާޓީން ވަނީ ނިންމާފައެވެ. އެގޮތުން މި ރަމަޟާން މަހުގެ 1 ވަނަ ދުވަހު ކޮންމެ ރަށެއް ގައި އެމްޑީޕީގެ އިދާރީ އޮފީހެއް ގާއިމްކުރެވޭނޭ ކަމަށް އެ ޕާޓީން ބުނެއެވެ.