ރައީސުލްޖުމުހުރިއްޔާގެ ދަޢުވަތަކަށް މި ފެބްރުއަރީ މަހުގެ 16 އިން 23 އަށް ރާއްޖެ ވަޑައިގެން އުޅުއްވާ އިނގިރިރޭސިވިލާތުގެ ކުރީގެ ޕާލިމަންޓް މެންބަރެއްކަމަށްވާ މިސްޓަރ ރޮބަރޓް ކީ މިއަދު ވަނީ މިޕާޓީގެ އިސްބޭފުޅުންނާއި ބައްދަލުކުރައްވާފައެވެ. މިބައްދަލުވުމުގައި މިޕާޓީގެ ފަރާތުން ބައިވެރިވެ ވަޑައިގެންފައިވަނީ މިޕާޓީގެ ނައިބް ރައީސް އިބްރާހިމް ހުސެއިން ޒަކީ، ޕާލިމެންޓްރީ ގްރޫޕުގެ މެންބަރު ހާމިދު އަބްދުލް ޢަފޫރު އަދި ސެކްރެޓަރީ ޖެނެރަލް ހަސަން ޝާހްއެވެ. އަދި މި ޒިޔާރަތުގައި ރޮބަރޓް ކީ ދެއްވާ ލެކްޗައެއް (ދަ ރޫލް އޮފްލޯ ދަ އިންގްލިޝް މެގްނާ ކާރޓާ އޮފް 1215) މަންދުކޮލެޖްގައި 22 ފެބްރުއަރީ 2011 ވަނަ ދުވަހުގެރޭ 8:00 ގައި ބާއްވާގޮތަށްވަނީ ހަމަޖެހިފައެވެ. މިސްޓަރ ރޮބަރޓް ކީ އަކީ އިނގިރޭސި ވިލާތުގައި ޕާލިމެންޓްގައި މެންބަރުކަން ކުރައްވާފައިވާ އަދި ވަޒީރުކަންވެސް ކުރައްވާފައިވާ ބޭފުޅެކެވެ.