އެމްޑީޕީއިން އިއްޔެ ބޭއްވި ނޫސްވެރިންގެ ބައްދަލުވުމުގައި މިޕާޓީގެ ނައިބު ރައީސް މުހައްމަދު ޝިފާޒު ވިދާޅުވީ ކުއްލި ނުރައްކަލުގެ ހާލަތާއި ގުޅިގެން އެމްޑީޕީން ނުބާއްވާ ފަސްކޮސްފައިވާ މިންޖުވާން މުޒާހަރާ މި ނޮވެމްބަރު މަހުގެ 27 ގައި ބޭއްވުމަށް ނިންމާފައިވާ ކަމަށެވެ. މި މުޒާހަރާ އަކީ ރައީސް ނަޝީދާއި ސިޔާސީ ކުށްވެރިން ދޫކޮށްލުމަށް ގޮވާލާ ކުރެވޭ މުޒާހަރާއެއްކަމަށެވެ.
ނައިބު ރައީސް ޝިފާޒު ވިދާޅުވީ މިހާރު ރާއްޖޭގެ ހާލަތު އޮތް ގޮތުން ގޭގައި މަޑުން ތިބެވޭނެ ކަހަލަ ހާލަތެއްގައި ނޫން ކަމަށެވެ. އަދި މިންޖުވާން މުޒާހަރާއަށް އެމްޑީޕީއަށާއި ރައީސް ނަޝީދަށް ތާއީދު ކުރައްވާ ހުރިހާ ބޭފުޅުން 27 ނޮވެމްބަރު ވާ ހުކުރު ދުވަހު މާލެ ވަޑައިގެން މުޒާހަރާގައި ބައިވެރިވުމަށް އެދިލެއްވިއެވެ.