ހުސްނުއް ސުއޫދު ލޯފާމްގައި މިއަދު ބޭއްވި ނޫސްވެރިންގެ ބައްދަލުވުމުގައި ސުއޫދު ވިދާޅުވީ، އަލީ ވަހީދުގެ ބަންދުގެ މުއްދަތު ހަމަވަމުންދާ ކަމަށާއި ނަމަވެސް އިސްތިއުނާފު ކުރަން ހުށަހެޅި މައްސަލަ އަދިވެސް ހައިކޯޓަށް ނުފޮނުވާ ކަމަށެވެ.
“މިއަދާއި ހަމައަށް ވެސް އެ ފޯމްތައް ކްރިމިނަލް ކޯޓުން ނިކުމެފައެއް ނެތް. އެފޯމް ހައިކޯޓަށް ފޮނުވައިގެން ފައިސާ ދައްކާގެން ހިޔަރިން އެއް ބޭއްވޭއިރު އޮންނާނީ ބަންދުގެ މުއްދަތު ފަހަނަ އަޅާފައި،” ސުއޫދު ވިދާޅުވިއެވެ.
ކްރިމިނަލް ކޯޓަށް ވައްދާ ފޯމްތައް ދުވަހުން ދުވަހަށް ޕްރޮސަސް ނުވާ މައްސަލަ ގާނޫނީ ޓީމުން ދަނީ ސުވާލު އުފައްދަމުންނެވެ.