21 އޯގަސްޓް 2010
އެންމެ ފަހުން ބޭއްވުނު ރައްޔިތުންގެ މަޖިލީހުގެ( 2010 ވަނަ އަހަރުގެ ދެވަނަ ދައުރުގެ 30 ވަނަ) ޖަލްސާގައި ބިރުދެއްކުމާއި ނުރައްކާތެރި ހަތިޔާރާއި ތޫނު އެއްޗެތި ގެންގުޅުން މަނާކުރުމުގެ ބިލަށް މެންބަރުން ހުށަހަޅުއްވައިފައިވާ 13 އިޞްލާޙަށް ވޯޓަށްއަހާ އޭގެތެރެއިން 5 އިސްލާޙް ފާސްކޮށް މަޖިލީހުން އެ ބިލު ފާސްކުރައްވައިފިއެވެ.
މި ބިލުގެ އިތުރުން މިއަދުގެ ޖަލްސާގައި ގޭންގު ކުށްތައް މަނާކުރުމާބެހޭ ބިލަށް މެންބަރުން ހުށަހަޅުއްވައިފައިވާ 17 އިޞްލާޙަށް ވޯޓަށްއަހާ އޭގެތެރެއިން 10 އިސްލާޙް ފާސްކޮށް މަޖިލީހުން ބިލު ވަނީ މިއަދުގެ ޖަލްސާއިން ފާސްކުރައްވާފައެވެ.