22 ޖުލައި 2010
ރައީސުލްޖުމްހޫރިއްޔާ މުޙަންމަދު ނަޝީދު އެމެރިކާގެ އެސިސްޓަންޓް ސެކްރެޓަރީ އޮފް ސްޓޭޓް ފޮރ ސައުތް އެންޑް ސެންޓްރަލް އޭޝިއަން އެފެއާޒް ރޮބަރޓް ބްލޭކާ މިއަދު ބައްދަލުކުރައްވައިފިއެވެ.
މިއަދު މެންދުރުފަހު ރައީސުލްޖުމްހޫރިއްޔާގެ އޮފީހުގައި ބޭއްވެވި މި ބައްދަލުކުރެއްވުމުގައި، ރާއްޖޭގެ މިހާރުގެ ސިޔާސީ މަސްރަޙާ ބެހޭގޮތުން މަޝްވަރާ ކުރެއްވިއެވެ. އަދި މިކަން ޙައްލުކުރެއްވުމަށް ސަރުކާރުން ގެންގުޅުއްވާ ވިސްނުންފުޅާ ބެހޭގޮތުން ރައީސުލްޖުމްހުރިއްޔާ ވާހަކަފުޅު ދެއްކެވިއެވެ.
މީގެއިތުރުންވެސް، ދެޤައުމުގެ ދެމެދުގައި، އެހެން ބައެއް ދާއިރާތަކުން ޚާއްޞަކޮށް، ތިމާވެށީގެ މައްސަލަތަކާ ބެހޭގޮތުން މިހާރަށްވުރެ ބޮޑަށް ގުޅުން ބަދަހިކުރެއްވުމާ ބެހޭގޮތުން މަޝްވަރާކުރެވުނެވެ.
މިސްޓަރ ބްލޭކް ރާއްޖެއަށް މިކުރައްވާ ޒިޔާރަތުގައި، ސަރުކާރާއި، ސިޔާސީ ޕާޓީތަކުގެ އިސްބޭފުޅުންނާއެކު މަޝްވަރާތައް ބާއްވަވާގޮތަށްވަނީ ހަމަޖެހިފައެވެ.