މި ފަންޑަށް އެހީވުމަށް އެމްޑީޕީން ވަނީ އެޕާޓީއަށް ހެޔޮއެދޭ ހުރިހާ ފަރާތްތަކަށް ގޮވާލާފައި
އިބްރާހީމް ރާމިޒް
އަދުލު އިންސާފުގެ ދާއިރާ ސިޔާސީ ވަކި ބައެއްގެ މުށުތެރޭގައި ތާށިވެފައި އޮންނަ އޮތުމުން އެ ދާއިރާ މިނިވަން ކުރުމަށް މި ފެބްރުއަރީ މަހުގެ 17 ވަނަ ދުވަހު އެމްޑީޕީން ބާއްވާ ބޮޑު މުޒާހަރާ “އިންސާފުގެ ދަތުރަށް” ތައްޔާރުވުމަށް އެމްޑީޕީން ހުޅުވި ފަންޑަށް މިވީ ދެ ދުވަސް ތެރޭގައި ދެ ލައްކައަށް ވުރެ ގިނަ ރުފިޔާ ލިބިފައިވާ ކަމަށް އެމްޑީޕީ ފަންޑްރައިސިންގ ކޮމިޓީން ބުނެފިއެވެ.
” ރާއްޖޭގެ އެންމެހާ ރައްޔިތުންގެ މަންފާއާއި ލާބައަށްޓަކައި ފެއްޓި މިމަސައްކަތުގެ އެންމެ ފަހު މަރުހަލާ “އިންސާފުގެ ދަތުރު” ކުރުމަށްޓަކައި އެމްޑީޕީގެ ބޮޑު އެއްވުން 17 ފެބުރުއަރީ 2012 ގައި ބޭއްވުމަށް ގައުމީ މަޖްލީހަށް ހާޒިރުވި މެމްބަރުންގެ އަޢްލަބިއްޔަތުން ނިންމުމާއި ގުޅިގެން ރާއްޖޭގެ އެކި ކަންކޮޅުތަކުން މި އެއްވުމުގައި ބައިވެރިވުމަށްޓަކައި މާލެ އައުމަށް ވަރަށް ބޮޑު ޙަރަދެއް ޕާޓީގެ ފަރާތުން ކުރަން ޖެހިފައިވާތީ، މިކަމަށް ބޭނުންވާ ފައިސާ ހޯދުމަށް މި ޕާޓީން ފަންޑްރައިސް ކުރުމަށް ހުޅުވާލާފައިވާކަން ޕާޓީގެ މެމްބަރުންނަށާއި ހެޔޮ އެދޭ ފަރާތްތަކަށް ދެންނެވީމެވެ.” އެމްޑީޕީ ފަންޑް ރައިސިންގ ކޮމިޓީން މިއަދު ނެރުނު ބަޔާނުގައި ވެއެވެ. ” އެމް ޑީ ޕީ އުފެދުނީއްސުރެ މި އަދާހަމަޔަށް ހޯދިފައިވާ ކާމީޔާބީއަކީ ތިޔަ ހެޔޮއެދޭ ފަރާތްތަކުންނާއި މެމްބަރުން ދެއްވި އެހީއާއި މަސައްކަތްޕުޅެވެ.”
އަދި ކަމަކީ ވަރަށް ބޮޑު ޙަރަދަކަށް ވާތީ ދީލަތި ފަރާތްތަކުން އެހީ ތެރިކަން ފޯރުކޮށް ދެއްވަމުން ގެންދަވާކަން އުފަލާއެކު ފާހަގަކޮށް، އިތުރު އެހީތެރިކަން ބޭނުންވާ ކަމަށް ވެސް މި ބަޔާނުގައިވެއެވެ.