28 އެޕްރީލް 2010
އިނގިރޭސި ވިލާތުގެ އާންމު އިންތިޚާބާއި، ލޯކަލް ގަވަރމެންޓް އިންތިޚާބުގައި ވާދަކުރައްވާ ކޮންޒަވެޓިވް ޕާޓީގެ ކެންޑިޑޭޓުންގެ ކެމްޕެއިންގައި އެހީތެރިވެ އެބޭފުޅުން ކެމްޕެއިންކުރައްވާ ގޮތާ ބެހޭ މައުލޫމާތު ހޯދުމަށް ދިވެހިރައްޔިތުންގެ ޑިމޮކްރެޓިކް ޕާޓީ (އެމްޑީޕީ)ގެ ވަފްދެއް މިއަދު އިނގިރޭސިވިލާތަށް ފުރައިފިއެވެ.
އެމްޑީޕީގެ ވަފްދު އިނގިރޭސި ވިލާތަށް މިކުރާ ދަތުރުގައި ކޮންޒަރވޭޓިވް ޕާޓީގެ ކެންޑިޑޭޓުންގެ ކެމްޕެއިން ކުރާގޮތް މިވަފްދުން މުޠާލިއާ ކުރާނެއެވެ. އަދި ކުރިޔަށް އޮތް ލޯކަލް ގަވަރމެންޓް އިންތިޚާބަށް ތައްޔާރުވުމުގެ ގޮތުން ކޮންޒަވޭޓިވް ޕާޓީގެ ކެންޑިޑޭޓުންނާއެކު ދޮރުން ދޮރަށް ކުރާ ކެމްޕެއިންތަކުގައި ބައިވެރިވެ ކެމްޕެއިންކުރާ ގޮތާބެހޭ މައުލޫމާތު ހޯދާނެއެވެ.
ޖުމްލަ 6 މެންބަރުންގެ މައްޗަށް އެކުލެވޭ މިވަފްދު އެނބުރި މާލެ އައުމަށް ހަމަޖެހިފައިވަނީ މެއި 7 ގައެވެ. މިވަފްދުގެ އިސްވެރިއަކަށް ވަޑައިގެންނެވީ އެމްޑީޕީގެ ޗީފްސްޕޯކްސްޕާސަން އަލީ ވަހީދުއެވެ.