ކޮންމެ ރަށެއްގެ ރަށު ހިންގާ ކޮމެޓީ ހޮވުމަށްވަނީ ނިންމާފައެވެ. މިކޮމެޓީގައި ހިމެނޭނީ ދާއިރާގެ ރައީސް، ދާއިރާގެ ނައިބު ރައީސް، ރަށު ނައިބު ރައީސް، ޕާޓީ ޓިކެޓްގައި ހޮވިފައިވާ ރައްޔިތުން މަޖްލިސް މެންބަރު، ކައުންސިލް މެންބަރުން އަދި އަންހެނުން ތަރައްޤީއަށް މަސައްކަތްކުރާ ކޮމެޓީގެ މެންބަރުންނެވެ.

ވީމާ، މަތީގައި ދެންނެވިފައިވާ ފަރާތްތައް ފިޔަވާ ރަށު ހިންގާ ކޮމެޓީއަށް އެރަށަކުން، ޝައުޤުވެރިވާ މެންބަރުން، 12 ނޮވެމްބަރ 2024 ވާ އަންގާރަ ދުވަހުގެ 14:00 ގެ ކުރިން މިޕާޓީގެ އިލެކްޝަންސް ކޮމިޓީގެ ނަންބަރު 7331637 ނުވަތަ އެދާއިރާގެ ދާއިރާ ރައީސްއަށް އައިޑީކާޑު ނަންބަރ ޖެހުމަށްފަހު އެސް.އެމް.އެސް އެއް ފޮނުވައިދެއްވުން އެދެމެވެ. އަދި އެއްރަށެއްގައި އެއް ދާއިރާއަށް ވުރެ ގިނަ ދާއިރާ ހިމެނޭ ނަމަ ކޮންމެ ދާއިރާއަކަށް ހިންގާ ކޮމެޓީ ހޮވަންވާނެއެވެ.

31 އޮކްޓޯބަރ 2024