Ibrahim Waheed

ރައީސް މުޢިއްޒު 15 ބިލިއަން ރުފިޔާ ޗާޕު ކުރަން ނިންމައިފި

މާލީ ސިޔާސަތު މަގުން ކައްސާލާފައި   ޕްރެސްންޓޭޝަން

މާލީ ސިޔާސަތު މަގުން ކައްސާލާފައި

އެމްޑީޕީގެ މަޖިލިސް ޕްރައިމަރީ 2019އާ ގުޅޭ ގޮތުން މައުލޫމާތު ހިއްސާކުރުމަށް މިއަދު އެމްޑީޕީ ސެކްރެޓޭރިއަޓުގައި ޕްރެސް ކޮންފަރެންސެއް ބާއްވައިފިއެވެ. މި ޕްރެސް ކޮންފަރެންސް ދެއްވީ ޕާޓީގެ ޗެއަރޕަރސަން އަލްއުސްތާޛް އިމްތިޔާޒް ފަހުމީއާ، ޕްރައިމަރީގެ މަސައްކަތް ކުރިއަށް ގެންދިއުމަށް ކަނޑައަޅުއްވާފައިވާ 7 މެމްބަރުންގެ ތެރެއިން އިބްރާހިމް ވަހީދާއި، ޕާޓީގެ ޑެޕިއިޓީ ސެކްރެޓަރީ ޖެނެރަލް އަފްޝާން ލަތީފެވެ. ޕްރެސް ކޮންފަރެންސްގައި މައުލޫމާތު ދެއްވި ގޮތުގައި، ޕްރައިމަރީގެ އިންތިޚާބު އޮންނާނީ 18 ޖެނުއަރީ ވާ ހުކުރު ދުވަހު މެންދުރު 14:30 އިން ރޭގަނޑު 20:30 އަށެވެ. 86 ދާއިރާއަކުން ކެނޑިޑޭޓުން ކުރިމަތިލާފައިވާއިރު، އެންމެ ކެނޑިޑޭޓެއް ލާފައިވާތީ 9 ދާއިރާއަކުން ޕްރައިމަރީއަކާ ނުލާ ޕާޓީ ޓިކެޓް ވަނީ ކަށަވަރުވެފައެވެ. ޕްރައިމަރީ އޮންނަ ދާއިރާތަކަށް ވާދަ ކުރަން 280 ކެނޑިޑޭޓުން ކުރިމަތިލައްވާފައިވާއިރު 4 ކެނޑިޑޭޓެއް ވަނީ ނަން އަންބުރާ ނަގާފައެވެ. ޕްރައިމަރީ އިންތިޚާބުގައި އޮބްޒަރވަރުންނާ އޮފިޝަލުން ގޮތުގަ ހަރަކާތްތެރިވުމަށް އޮންލައިންކޮށް ފޯމެއް ފުރުއްވޭނެ ގޮތަށް އިންތިޒަމް ހަމަޖެހިފައިވާކަމަށާ އެޕްލިކޭޝަން ފޯމް ފުރުއްވުމުގެ ސުންގަޑިއަކީ 9 ޖެނުއަރީ ގެ 16:00 ކަމަށް މައުލޫމާތު ދެއްވިއެވެ. އަދި މިހާރުކުރެވެމުންދާ މަސައްކަތްތަކަކީ، ރީރެޖިސްޓްރޭޝަނަށް ހުޅުވާލުމަށްފަހު އާއްމުކުރި ލިސްޓަށް ހުށަހެޅިފައިވާ ޝަކުވާތަކަށް ބަލާ ލިސްޓު އިސްލާހުކުރުމާ، ވޯޓުލާ މަރުކަޒުތައް ކަށަވަރުކުރުމާ، ވޯޓު ކަރުދާސް ޗާޕްކުރުމުގެ މަސައްކަތްކަމުގައި އެބޭފުޅުން ވިދާޅުވިއެވެ. އަދި އަބްޒަރވަރުންނާ އޮފިޝަލުންގެ ފޯމް ފުރުއްވޭނީ އެމްޑީޕީގެ މެމްބަރުންނަށް ކަމަށާ، އޮބްޒަރވަރުންނާ އޮފިޝަލުންގެ ފާސް އެބޭފުޅުންނަށް ނުވަތަ ކެނޑިޑޭޓެއްގެ ފަރާތުން ނަމަ ކެނޑިޑޭޓަށް އީމެއިލް ކުރެވޭނެ ވާހަކަ ވިދާޅުވިއެވެ. މަޖިލިސް ޕްރައިމަރީގައި ވޯޓުލެވޭ ފަރާތްތަކުގެ ލިސްޓު ފައިނަލް ކުރެވޭނީ 7 ޖެނުއަރީ ގައި ކަމަށާ، ވޯޓުލާ މަރުކަޒުތައް ވީއެންމެ އަވަހަށް އާއްމުކޮށް، ވޯޓާ ގުޅޭ އިތުރު މައުލޫމާތު ޕާޓީގެ ވެބްސައިޓާ ޓްވިޓަރގައި ހިއްސާކުރެވެމުން ދާނެކަން ފާހަގަކުރައްވާ، މީޑިއާގެ ފަރާތްތަކާ، އާއްމުންނާ އަދި ކެނޑިޑޭޓުންވެސް ގަވައިދުން ވެބްސައިޓާ ޓްވިޓަރ ބެއްލެވުމަށް އެދިވަޑައިގަތެވެ. މިޕްރައިމަރީގެ ހުރިހާ މަސައްކަތެއްވެސް ކުރިއަށް ދަނީ ދެފުށްފެންނަ، އިންސާފުވެރި ގޮތަކަށް ކަމަށާ، މިނިވަން އިންސާފުވެރި ޕްރައިމަރީ އިންތިޚާބެއް ބޭއްވުމަކީ ޕާޓީން އެންމެ އިސްކަމެއް ދޭނެކަން ކަމުގައި އެބޭފުޅުން ވިދާޅުވިއެވެ.

Shiuna

މަޖިލިސް ޕްރައިމަރީ 2019 އާ ގުޅޭ މައުލޫމާތު ހިއްސާކުރުމަށް ޕްރެސް ކޮންފަރެންސެއް ބޭއްވުން

ރައްޔިތުންގެ މަޖިލީހުގެ މެންބަރުން ނިސްބަތްވާ ސިޔާސީ ޕާޓީ ނުވަތަ މެންބަރު ތަމްސީލުކުރާ ހައިސިއްޔަތު ބަދަލުކޮށްފިނަމަ މެންބަރުކަމުގެ މަގާމު ގެއްލޭގޮތަށް، ގާނޫނުއަސާސީގެ 73 ވަނަ މާއްދާ އިސްލާހުކޮށް، 20 ނޮވެމްބަރު 2024 ގައި ފާސްކޮށް ތަސްދީގުކޮށްފައިވާ ގާނޫނު ނަންބަރު 2024/25 (ގާނޫނުއަސާސީއަށް 6 ވަނަ އިސްލާހު ގެނައުމުގެ ގާނޫނު) އަކީ، ގާނޫނުއަސާސީގެ ބާރު ކެނޑިގެންދާގޮތަށް، ގާނޫނުއަސާސީ އާއި މުޅި ދިވެހި ދައުލަތް އެ މައްޗަށް ބިނާވެފައިވާ ޑިމޮކްރަސީގެ އަސާސީ ހަމަތަކާއި، ރައްޔިތުންގެ މަޖިލީހުން ގާނޫނުތައް ފާސްކުރުމުގައި މީގެ ކުރިން އަމަލުކުރަމުން ގޮސްފައިވާ އުސޫލުތަކާ ހިލާފަށް ގާނޫނުއަސާސީއަށް ގެނެސްފައިވާ އިސްލާހެކެވެ. ގާނޫނުއަސާސީއަށް އެ އިސްލާހު ގެނެސްފައިވަނީ ދިވެހި ދައުލަތުގެ އެންމެހައި ބާރުތައް ފެށިގެން އަންނަނީ ރައްޔިތުންގެ ކިބައިން ކަމާއި، އަދި މި ބާރުތައް ދެމިއޮންނާނީ ރައްޔިތުންގެ ކިބައިގައި ކަމަށް ގާނޫނުއަސާސީގެ 4 ވަނަ މާއްދާގައި ކަނޑައަޅާފައި އޮތް އޮތުމަށް ރިއާޔަތްކުރުމެއްނެތި އަދި ގާނޫނުއަސާސީގެ 26 ވަނަ މާއްދާގެ ދަށުން، ރައްޔިތުންގެ މަޖިލީހުގައި ރައްޔިތުން ތަމްސީލުކުރާނެ މަންދޫބަކު ހިޔާރުކުރުމަށް ރައްޔިތުންނަށް ލިބިފައި އޮތް ހައްގު އެކީ އެކަށް ނިގުޅިގެންދާ ގޮތަށެވެ.    އެހެންކަމާއެކު، ގާނޫނު ނަންބަރު 2024/25 (ގާނޫނުއަސާސީއަށް 6 ވަނަ އިސްލާހު ގެނައުމުގެ ގާނޫނު) އިން ގާނޫނުއަސާސީގެ 73 ވަނަ މާއްދާއަށް ގެނެސްފައިވާ އިސްލާހު ގާނޫނުއަސާސީއާ ހިލާފުކަމަށް ކަނޑައަޅައިދިނުމަށް އެދި ދިވެހިރާއްޖޭގެ ސުޕްރީމް ކޯޓަށް މައްސަލަ ހުށަހެޅުމަށް ނިންމާފައިވާ ނިންމުމަށް މަރުހަބާ ކިޔައި، އެ މައްސަލައިގެ ތެރެއަށް ދިވެހި ރައްޔިތުންގެ ޑިމޮކްރެޓިކް ޕާޓީގެ ފަރާތުން ތަދައްހުލުވުމަށް ނިންމާފައިވާކަން، އެންމެހައި ރައްޔިތުންގެ މައުލޫމާތަށްޓަކައި ދެންނެވީމެވެ.

ގާނޫނުއަސާސީއަށް ގެނައި ބަދަލު ސައްހަ ނޫންކަމަށް ބުނެ ރައްޔިތުންގެ މަޖިލީހުގެ ކެންދޫ ދާއިރާގެ ކުރީގެ މެންބަރު އަލީ ހުސައިން ދިވެހިރާއްޖޭގެ ސުޕްރީމް ކޯޓަށް ހުށަހަޅާފައިވާ ދުސްތޫރީ މައްސަލައަށް ތަދައްޚުލުވުމަށް ނިންމުން.

ސަރުކާރުގެ ފަރާތުން ރައްޔިތުންގެ މަޖިލީހަށް ހުށަހަޅާފައިވާ 2025 ވަނަ އަހަރަށް ލަފާކުރާ ދައުލަތުގެ ބަޖެޓަކީ ލާމަރުކަޒީ ގާނޫނާ ޚިލާފަށް ހުޅަހަޅާފައިވާ ބަޖެޓެއް ކަމަށް ރައީސުލްޖުމްހުރިއްޔާ އިއްޔެ ވަނީ އިއުތިރާފުވެފައެވެ. އެހެންކަމުން 31 އޮކްޓޫބަރު 2024 ވަނަ ދުވަހު ސަރުކާރުގެ ފަރާތުން ރައްޔިތުންގެ މަޖިލީހަށް ހުށަހެޅި 56.6 ބިލިއަން ރުފިޔާގެ ބަޖެޓް މުރާޖާކޮށް ކައުންސިލްތަކަށް ދައުލަތުގެ ބަޖެޓުން ފޯރުކޮށްދޭން ގާނޫނުން ލާޒިމުކުރާ ހަގީގީ އަދަދު ހިމަނައި އަލުން ބަޖެޓް ހުށަހެޅުމަށް ސަރުކާރަށް ގޮވާލަމެވެ. ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނަކީ 2010 ވަނަ އަހަރު އެމްޑީޕީގެ ފުރަތަމަ ސަރުކާރުން އޭރުގެ ރައްޔިތުންގެ މަޖިލީހަށް ހުށަހަޅައި ފާސްކުރި ވަރަށް މުހިންމު ގާނޫނެކެވެ. 2008 ވަނަ އަހަރު ތަސްދީގުކުރި ދިވެހިޖުމްހޫރިއްޔާގެ ގާނޫނުއަސާސީގެ އަސާސީ ސިފައެއް ކަމުގައި ކަނޑައަޅައި  ވަކި ބާބެއް ލާމަރުކަޒީ ނިޒާމަށް ޚާއްސަ ކުރެވިފައިވުމަކީ ވެރިކަން ހިންގުމުގައި މި އަސާސްގެ މުހިންމުކަން ރަމްޒުކޮށްދޭ ކަމެކެވެ. 2018 ވަނަ އަހަރު އުފެދުނު އެމްޑީޕީގެ ދެވަނަ ސަރުކާރުގައި ލާމަރުކަޒީ ނިޒާމު ފުރިހަމަ ކުރުމަށް 19 ވަނަ ރައްޔިތުންގެ މަޖިލީހަށް މުހިންމު ގިނަ އިސްލާހުތަކެއް ހުށަހެޅުނެވެ. އެމްޑީޕީ ގެ ފުރިހަމަ މެޖޯރިޓީ އޮތް އެ މަޖިލީހުން ފާސްކުރި ގިނަ އިސްލާހުތަކުގެ ސަބަބުން ކައުންސިލްތަކުގެ މާލީ ފުދުންތެރިކަން އިތުރުވެގެން ދިޔައެވެ. ދައުލަތުން އެ އަހަރަކަށް ކަނޑައަޅާ ބަޖެޓުގެ ވަކި އިންސައްތައެއް ކައުންސިލްތަކަށް ދިނުމަށް ޤާނޫނުގައި ކަނޑައެޅުނެވެ.  އިސްލާހުތަކަށްފަހު އެމް.ޑީ.ޕީ ގެ ސަރުކާރުން ހުށަހެޅި ކޮންމެ ބަޖެޓެއްގައި ކައުންސިލްތަކަށް ބްލޮކް ގްރާންޓްގެ ގޮތުގައި ފައިސާ ވަނީ ހިމަނާފައެވެ. އެގޮތުން 2021 ވަނަ އަހަރު 1.3 ބިލިއަން ރުފިޔާ، 2022 ވަނަ އަހަރު 1.6 ބިލިއަން ރުފިޔާ، 2023 ވަނަ އަހަރު 1.8 ރުފިޔާ ހިމަނައި އެ އަދަދަށް ފައިސާ ދޫކޮށްފައިވެއެވެ. އަދި 2024 ވަނަ އަހަރު މި ސަރުކާރުން ހުށަހެޅި ސަޕްލިމެންޓްރީ ބަޖެޓާއެކު 2.2 ބިލައަން ރުފިޔާ ކައުންސިލްތަކަށް ޚާއްސަކޮށްފައިވާކަން ބަޖެޓް ފޮތްތަކުން ފެންނާން އެބައޮތެވެ.  ކަން މިހެން އޮތްއިރު 2023 ވަނަ އަހަރު އުފެދުނު ޕީއެންސީގެ ސަރުކާރުން ރައްޔިތުންގެ މަޖިލީހަށް ފުރަތަމަ ހުށަހެޅި ބަޖެޓްގައި ދައުލަތުގެ އާމްދަނީ އެހެން އަހަރުތަކަށްވުރެ އިތުރުވާނެ ކަމަށް ލަފާ ކޮށްފައިވީ ނަމަވެސް ކައުންސިލްތަކަށް ޚާއްސަކޮށް ހުށައަޅާފައިވަނީ 1.4 ބިލިއަން ރުފިޔާކަން އެނގެން އެބައޮތެވެ. އެއީ ލާމަރުކަޒީ ގާނޫނުގެ 79 ވަނަ މާއްދާގައި ކައުންސިލްތަކަށް ދައުލަތުގެ ބަޖެޓުން ފޯރުކޮށްދޭން ޖެހޭނެ ކަމަށް ބުނާ އަދަދު އޮޅުވާލައިގެން ގަސްތުގައި ކައުންސިލްތައް މާލީ ގޮތުން ބަލިކަށިކޮށްލުމަށް ހިންގާފައިވާ އަމަލެއް ކަމަށް މި ޕާޓީން ގަބޫލުކުރަމެވެ.  މިފަދަ ގޮތަކަށް ކައުންސިލްތަކުގެ ބަޖެޓް އުނިކުރަން ނިންމާފައިވާ ދަނޑިވަޅަކީ ސަރުކާރަށް ނިސްބަތްވާ ރައްޔިތުން މަޖިލިސް މެމްބަރުން ރާއްޖޭގައި މިހާރު އޮތް ކައުންސިލް ނިޒާމު އުވާލައި އަލުން ބަލުން ކަތީބު ނިޒާމު ބޭއްވުމަށް ފާޅުގައި ވަކާލާތު ކުރާ ދަނޑިވަޅެއް ކަމުގައިވެސް މި ޕާޓީއިން ފާހަގަކުރަމެވެ. އަދި މި ވަގުތަކީ ރައްޔިތުންގެ މަޖިލީހަށް ސަރުކާރުން ހުށަހަޅައި ފާސްކުރަމުންދާ ބައެއް ގާނޫނުތަކުގެ ސަބަބުން ލާމަރުކަޒީ ނިޒާމު އޭގެ އެންމެ ފުރިހަމަ ގޮތުގައި ހިންގުމަށް ކައުންސިލްތަކަށް ގިނަ ގުނަ ހުރަސްތައް ކުރިމަތިވާނެކަން ކައުންސިލްތަކުން ފާހަގަކޮށް މި ޕާޓީގެ ސަމާލުކަމަށް ގެންނަމުންދާކަން ފާހަގަކުރަމެވެ.  އެހެންކަމުން މި އަހަރު ހުށަހަޅާފައިވާ ދައުލަތުގެ ބަޖެޓް ބަދަލުތަކާއެކު ވީ އެންމެ އަވަހަކަށް ރައްޔިތުން މަޖިލީހަށް އަލުން ހުށަހެޅުމަށް ސަރުކާރަށް ގޮވާލަމެވެ. އަދި ލާމަރުކަޒީ ނިޒާމުގެ ދިފާއުގައި އެމް.ޑީ.ޕީއަށް ނިސްބަތްވާ ރައްޔިތުންގެ މަޖިލިސް މެމްބަރުންނާއި މޭޔަރުންނާއި ކައުންސިލަރުން ކުރަމުންދާ މަސައްކަތްތައް ފާހަގަކޮށް އެ މުހިންމު ސިޔާސަތު ދެމެހެއްޓުމަށް މި ޕާޓީ އަބަދުވެސް ދެމިއޮންނާނެ ކަމުގެ ފުރިހަމަ ޔަގީންކަން އަރުވަމެވެ.

ޤާނޫނުން ލާޒިމުކުރާ ވަރަށް ކައުންސިލްތަކަށް ބަޖެޓް ހިމަނައި އަލުން ބަޖެޓް ހުށަހެޅުމަށް ގޮވާލުން 

ދިވެހިރައްޔިތުންގެ ޑިމޮކްރަޓިކް ޕާޓީ (އެމްޑީޕީ) ގެ ފަރާތުން ލާމަރުކަޒީ ނިޒާމުގެ ދިފާއުގައި ބާއްވާ ‘ލާމަރުކަޒީ ގުޅުން - ކައުންސިލަރުންގެ ކޮންފަރެންސް’ މިއަދު ފަށައިފިއެވެ. މި ކޮންފަރެންސް ކުރިއަށްދަނީ އުތުރުގެ ތިން އަތޮޅުގެ ރަށްތަކުގައި އެމްޑީޕީއަށް ނިސްބަތްވެވަޑައިގަންނަވާ ކައުންސިލަރުންނާއި، ޑަބްލިއުޑީސީ މެމްބަރުންނާއި ޕާޓީގެ ލީޑަރޝިޕްގެ ބޭފުޅުންނާއެކު ކުޅުދުއްފުށި ސިޓީގަ އެވެ. އޭގެ ތެރޭގައި ބޮޑު ތިލަދުންމައްޗަށް ނިސްބަތްވެވަޑައިގަންނަވާ 55 ކައުންސިލަރުން ހިމެނެ އެވެ. ރާއްޖޭގެ ފަސް ސިޓީގެ މޭޔަރުން ވެސް މި ކޮންފަރެންސްގައި ބައިވެރިވާނެއެވެ. މި ކޮންފަރެންސްގައި އެމްޑީޕީގެ ސަރުކާރުން ކައުންސިލްތައް ބާރުވެރިކުރުމަށް ގާނޫނަށް ގެނައި ހެޔޮ ބަދަލުތަކާއި މި ސަރުކާރުން ގެންނަން ރާވާފައި ހުރި ބަދަލުތަކާ ގުޅޭ މައުލޫމާތުތައް ހިއްސާކުރަން ވަނީ ހަމަޖެހިފައެވެ. އޭގެ އިތުރުން ކައުންސިލްތަކުގެ އިދާރީ ހިންގުމާއި މާލީ ހިންގުންތެރިކަން ހަރުދަނާ ކުރެވޭނެ ގޮތްތަކާ ގުޅޭގޮތުން ފުޅާ ދާއިރާއެއްގައި މަޝްވަރާ ކުރާނެއެވެ.  ކައުންސިލަރުންގެ ކޮންފަރެންސްގައި ޕާޓީގެ އެޑްވައިޒަރ ރައީސް އިބްރާހިމް މުހައްމަދު ސާލިހު، ޗެއަރޕަރސަން ފައްޔާޒު އިސްމާއީލް، ޕާޓީގެ ރައީސް އަބްދުالله ޝާހިދު، ކުރީގެ ވީޕީ ފައިސަލް ނަސީމް އަދި އެހެން ބޭފުޅުން ވެސް ބައިވެރިވެވަޑައިގަންނަވައެވެ. މި ކޮންފަރެންސްގައި ބައިވެރިވާ ހުރިހާ ކައުންސިލަރުން ހާއްސަ އިގުރާރެއްގައި ސޮއިކުރުމަށް ފަހު އާންމު ކުރުމަށް ވެސް ވަނީ ހަމަޖެހިފައެވެ. އަދި އިސްލާހު ކުރަން ޖެހޭ ކަންކަން ފާހަގަކޮށް އެ ކަންކަން ކުރުމަށް ސަރުކާރަށް ކައުންސިލަރުންގެ ފަރާތުން ގޮވާލާނެއެވެ.

ލާމަރުކަޒީ ގުޅުން ކޮންފަރެންސް ފެށިއްޖެ

ފުވައްމުލަކު އުތުރު ދާއިރާގެ ނައިބު ރައީސްކަމަށް އެންމެ ފަރާތެއްކުރިމަތިލާފަވާތީ، މިމަޤާމަށް އިންތިޚާބަކާއި ނުލާ މުޙައްމަދު ޢަބްދުއްރަޙްމާން، ދަޑިމަގުގެ / ޏ. ފުވައްމުލަކު ހޮވިފައިވާކަން އާއްމުކޮށް އިއުލާން ކުރީމެވެ. 01 ސެޕްޓެމްބަރ 2024

ފުވައްމުލަކު އުތުރު ދާއިރާ ނައިބު ރައީސް އިއުލާންކުރުން

16 އޮގަސްޓް 2024 ގައި ބޭއްވުނު ހއ. އިހަވަންދޫ ދާއިރާގެ ހއ. މޮޅަދޫގައި އަލުން ނެގުނު ވޯޓާއި އެކު އެދާއިރާގެ ދާއިމީ ނަތީޖާ އިއުލާނު ކުރީމެވެ.  މުޙައްމަދު އާރިފް، ނެދުންގެ/ ހއ. އިހަވަންދޫ  -  141ވޯޓު މުޙައްމަދު ޝިފާޢު، ބުލްބުލާގެ/ ހއ. އިހަވަންދޫ - 188ވޯޓު  ޞައްހަ ވޯޓު  329 ބާޠިލް ވޯޓު 3  ޖުމްލަ ވޯޓު 332 18 އޮގަސްޓް 2024

ހއ. އިހަވަންދޫ ދާއިރާގެ ދާއިމީ ނަތީޖާ - ޤައުމީ މަޖިލިސް ބައި- އިލެކްޝަން 2024

ދިވެހި ރައްޔިތުންގެ ޑިމޮކްރެޓިކް ޕާޓީ (އެމް.ޑީ.ޕީ)ގެ ރައީސް ޢަބްދުﷲ ޝާހިދު، އިންޑިއާގެ މިނިސްޓަރ އޮފް އެކްސްޓަރނަލް އެފެއަރޒް ޑރ. ސުބްރަމާނިއަމް ޖައިޝަންކަރުއާ މިއަދު ބައްދަލުކުރައްވައިފިއެވެ. މި ބައްދަލުކުރެއްވުމުގައި ޝާހިދުގެ އަރިހުގައި އެމްޑީޕީގެ ޕާލަމެންޓްރީ ގްރޫޕްގެ ލީޑަރު އިބްރާހިމް ނާޒިލްއާއި، ޕާޓީގެ ނައިބު ރައީސާ ހިސާން ހުސެއިންއާއި، ޒުވާނުންގެ ހިތްވަރުގެ ރައީސާ ރިފްޤާ ޝިހާމްއާއި، އެމްޑީޕީގެ ޚާރިޖީ ގުޅުންތަކާ ބެހޭ ކޮމިޓީގެ މެމްބަރުންކަމަށްވާ އާމިނަތު ޝައުނާ އަދި ހުސެން ޝަހީމްގެ އިތުރުން ޕާޓީގެ ސެކްރެޓަރީ ޖެނެރަލް ޝާޒްލީ ޝަފީޤް ބައިވެރިވެވަޑައިގަތެވެ. ދިވެހިރާއްޖެއާއި އިންޑިއާގެ ގުޅުން އަބަދުވެސް ބިނާވެފައިވަނީ އެއް ޤައުމުން އަނެއް ޤައުމަށް އިޙްތިރާމްކުރުމާއި، ބައިނަލްއަޤްވާމީ ޤާނޫނުތަކަށް ޙުރުމަތްތެރިކޮށް ހިތުމާއި، ދެޤައުމުގެ ސަރަޙައްދުގެ ސަލާމަތްތެރިކަމާއި، އަދި ސަރަޙައްދީ ސަލާމަތާއި، އިންޑިއާ ކަނޑުގެ ސަރަޙައްދުގެ އަމާންކަމާއި ރައްކާތެރިކަމަށް ކުރެވޭ މަސައްކަތްތަކުގެ މައްޗަށެވެ. ދިވެހިރާއްޖެއިން "ބައިނަލްއަޤްވާމީ 911 އަށް ގުޅައިފި" ކޮންމެ ވަގުތެއްގައިވެސް އެންމެ ފުރަތަމަ އިޖާބަދޭނީ އިންޑިއާކަމުގެ ޔަޤީންކަން ދިވެހިރާއްޖެއަށް އަބަދުވެސް އޮވެއެވެ. އެހެންކަމުން، މިއަދުގެ ސަރުކާރުން އެކި ގޮތްގޮތަށް އިންޑިއާއާ ދެކޮޅަށް ދިވެހި ރައްޔިތުންގެ މެދުގައި ނަފްރަތު އުފެއްދުމަށް މަސައްކަތްކުރިކަމީ މިޕާޓީއިން ހިތާމަކުރާ ކަމެކެވެ. އެކި ބަސްތަކާއި މަލާމާތުގެ ޒަރީއާއިން، ގިނަ ދުވަސްވީ ރަޙްމަތްތެރިއެއް އަދި ތަރައްޤީގެ ބައިވެރިއެއް ކަމަށްވާ އިންޑިއާ، ގަނާކުރާ ޤައުމެއްގެ ގޮތުގައި ސިފަކުރުމުގެ ސަބަބުން އެކަމުގެ ނޭދެވޭ އަސަރުތައް ދިވެހިރާއްޖޭގެ އިޤްތިޞާދަށްކޮށް، ބައިނަލްއަޤްވާމީ މުޖްތަމަޢުގައި ދިވެހިރާއްޖެއަށް ލިބިފައި އޮތް މަޤާމަށް އަސަރުކޮށްފައިވެއެވެ.  އެހެންކަމުން، ރައީސް މުޢިއްޒުގެ ސަރުކާރުން އިންޑިއާއާމެދު ގެންގުޅޭ ސިޔާސަތު "އިންޑިއާ އައުޓް" އިން "ވެލްކަމް އިންޑިއާ" އަށް ބަދަލުކުރި ކުރުމަށް އެމްޑީޕީން މަރުޙަބާ ކިޔަމެވެ. އަދި މި ބަދަލަކީ ހަމައެކަނި ވަގުތީ ނުވަތަ ދެއްކުންތެރިކަމުގެ ބަދަލަކަށް ނުހަދައި، ދިވެހި ރައްޔިތުންގެ މަޞްލަޙަތަށްޓަކައި ދެމެހެއްޓެނިވި އަދި މާނަހުރި ބަދަލަކަށް ވާނެކަމަށް މި ޕާޓީއިން އުންމީދު ކުރެއެވެ. މީގެ އިތުރުން، "އިންޑިއާ އައުޓް" ކެމްޕޭނުގެ ހެދި ދޮގުތަކާއި އޭގެ ސަބަބުން ލިބުނު ގެއްލުންތަކަށް، ރައްޔިތުންގެ ކިބައިން މަޢާފަށް އެދުމަށް ރައީސް މުޢިއްޒުގެ ސަރުކާރަށް އެމްޑީޕީން ގޮވާލަމެވެ. މިއަދުގެ ބައްދަލުވުމުގައި، އިންޑިއާގެ އެކްސްޓަރނަލް އެފެއަރޒް މިނިސްޓަރ ދިވެހިރާއްޖެއަށް ދަތުރުފުޅެއް ކުރެއްވިކަމަށްޓަކައި ޝާހިދު ޝުކުރު އަދާކުރެއްވިއެވެ. އަދި އިންޑިއާއިން މެދުކެނޑުމެއް ނެތި ވެދެމުންދާ އެހީތެރިކަމަށް އިންޑިއާއަށް ޝުކުރު އަދާކުރެއްވިއެވެ. މީގެ އިތުރުން ސިވިލް ސަރވިސްގެ 1000 މުވައްޒަފުން ތަމްރީންކުރުމަށް ރައީސް ޞާލިޙްގެ ސަރުކާރުން އިންޑިއާއާއެކު ހަދާފައިވާ އެއްބަސްވުން އައު ކުރުމާއި ގުޅިގެން އެކަމަށް މަރުޙަބާ ވިދާޅުވިއެވެ. މި އެއްބަސްވުމަކީ ދިވެހިރާއްޖޭގައި އިންސާނީ ވަޞީލަތްތައް ތަރައްޤީކުރެއްވުމަށް ރައީސް ޞާލިޙްގެ ސަރުކާރުން ފެއްޓެވި މުހިއްމު މަސައްކަތެކެވެ. މީގެ އިތުރުން، އިޤްތިޞާދީ ތަރައްޤީއާބެހޭ މިނިސްޓްރީއާއި އިންޑިއާގެ ނެޝަނަލް ޕޭމަންޓްސް ކޯޕަރޭޝަން (އެންޕީސީއައި) އާ ދެމެދު ސޮއިކުރެވުނު އެމްއޯޔޫއަށްވެސް އެމްޑީޕީން އިން ވަނީ މަރުޙަބާ ކިޔާފައެވެ. ޑިޖިޓަލް ޕޭމަންޓްތަކުގެ ނިޒާމްތައް ހަރުދަނާކުރުމުގެ މި އެއްބަސްވުމަކީ ރައީސް ޞާލިޙްގެ ސަރުކާރުން އިންޑިއާ ސަރުކާރާއެކު މަޝްވަރާކުރެވި، ސޮއިކުރުމާ ހިސާބަށް ގެނެވިފައިވާ އެއްބަސްވުމެކެވެ. މީގެ އިތުރުން، އިންޑިއާގެ ހިލޭ އެހީގައި، ހައި އިމްޕެކްޓް ކޮމިއުނިޓީ ޑިވެލޮޕްމަންޓް ޕްރޮޖެކްޓްސްގެ ސްކީމްގެ ދަށުން ހިންގުނު 6 ޕްރޮޖެކްޓެއް ނިންމުން ފާހަގަކޮށް، ދިވެހި ސަރުކާރާ ހަވާލުކޮށްފައިވާތީ، އެކަމަށްވެސް އެމްޑީޕީ އިން ވަނީ އިންޑިއާއަށް ޝުކުރު އަދާކޮށްފައެވެ. ހައި އިމްޕެކްޓް ކޮމިއުނިޓީ ޑިވެލޮޕްމަންޓް ޕްރޮޖެކްޓް ތަކަކީ 2019 ވަނަ އަހަރު އެމްޑީޕީ ސަރުކާރުން އިންޑިއާއާއެކު ވެފައިވާ އެއްބަސްވުމެއް ދަށުން ހިންގަމުން އަންނަ، މުޖްތަމަޢަށް ނުހަނު ފައިދާހުރި ޕްރޮޖެކްޓްތަކެކެވެ. ހަމައެއާއެކު، އިންޑިއާގެ އެގްޒިމް ބޭންކުގެ ފައިނޭންސިންގ އެހީގެ ދަށުން 28 ރަށެއްގައި ހިންގުނު ފެނާއި ނަރުދަމާގެ މަޝްރޫޢުތައް ނިންމައި، ދިވެހި ސަރުކާރާ ޙަވާލުކުރުމަށްވެސް މި ޕާޓީން މަރުހަބާ ކިޔަމެވެ. މި މަޝްރޫޢުތައް ހިންގާފައިވަނީ 2018 ގެ ޑިސެމްބަރުގައި ރައީސް ޞާލިހު އިންޑިއާއަށް ކުރެއްވި ފުރަތަމަ ފުރަމާނަ ދަތުރުފުޅުގައި އިންޑިއާ ސަރުކާރުން ދެއްވި 800 މިލިއަން ޑޮލަރުގެ ލައިން އޮފް ކްރެޑިޓްގެ ދަށުންނެވެ. އަދި މި މަޝްރޫޢުތައް ފަށާފައިވަނީ ރައީސް ޞާލިޙްގެ ސަރުކާރުގައެވެ. މި ދަތުރުފުޅުގައި އިންޑިއާގެ ޚާރިޖީ ވަޒީރު ޑރ. ޖައިޝަންކަރު އައްޑޫ ސިޓީއަށް ކުރައްވާ ޒިޔާރަތަށްވެސް އެމްޑީޕީން މަރުހަބާ ކިޔަމެވެ. މި ދަތުރުފުޅުގައި އައްޑޫގެ ބިންހިއްކުމާ ގޮނޑުދޮށް ޙިމާޔަތްކުރުމުގެ މަޝްރޫޢުގެ ނިމުން ފާހަގަކޮށް، ހިތަދޫ އާއި މަރަދޫ ގުޅުވާލުމަށް ހަންކެޑެ ވަށައިގެން ހެދި 4 ލޭނުގެ ޑީޓުއަރ ލިންކް ރޯޑްވެސް އިފްތިތާޙްކުރައްވާނެކަން އުފަލާއެކު ފާހަގަކުރަމެވެ. މި މަގަކީ ހަންކެޑެ މަޝްރޫޢު ކުރިއަށް ކާމިޔާބުކަމާއެކު ކުރިއަށް ގެންދިޔުމަށާއި، އައްޑޫ ސިޓީގެ އިޤްތިޞާދު އިތުރު ހަރުފަތަކަށް ގެންދިޔުމަށް އެމްޑީޕީ ސަރުކާރުން ފެށި މަސައްކަތުގެ ތެރެއިން މުހިއްމު ބައެކެވެ. މިއީ އައްޑޫ ސިޓީގެ ތަރައްޤީގެ މަޝްރޫޢުތަކުގެ ތެރެއިން އެމްޑީޕީ ސަރުކާރުން ހިންގި މުހިއްމު މަސައްކަތެކެވެ. މި ދެ މަޝްރޫޢަށްވެސް ފަންޑުކޮށްފައިވަނީ އިންޑިއާގެ އެގްޒިމް ބޭންކުގެ ލައިން އޮފް ކްރެޑިޓްގެ ދަށުންނެވެ. ނިމިދިޔަ 5 އަހަރު އިންޑިއާއިން ވަނީ ދިވެހިރާއްޖެއަށް އެކި ރޮނގުރޮނގުން ބޮޑެތި އެހީތަކެއް ވެދެއްވާފައެވެ. އޭގެ ތެރޭގައި ދިވެހިރާއްޖޭގައި ހިންގޭ ޢުމްރާނީ ތަރައްޤީގެ އެންމެ ބޮޑު މަޝްރޫޢުކަމަށްވެސް ގްރޭޓަރ މާލޭ އޭރިއާ ކަނެކްޓިވިޓީ ޕްރޮޖެކްޓް ހިމެނެއެވެ. މީގެ އިތުރުން އައްޑޫ ސިޓީގައި ޤާއިމްކޮށްފައިވާ ނޭޝަނަލް ކޮލެޖް އޮފް ޕޮލިސިންގ އެންޑް ލޯ އެންފޯސްމަންޓްއާއި، ކޯސްޓްގާޑުގެ އައު ޢިމާރާތާއި، އުތުރު ތިލަފަޅުގައި ޤާއިމްކޮށްފައިވާ އެމް.އެން.ޑީ.އެފްގެ ބަނދަރާއި ޑޮކްޔާޑާއި، އައްޑޫގެ މަގުތައް ޒަމާނީ ފެންވަރަށް ހެދުމުގެ މަޝްރޫޢާއި، 36 ރަށެއްގައި ފެނާއި ނަރުދަމާގެ މަސައްކަތްކުރުމުގެ މަޝްރޫޢާއި، ކޫއްޑޫ އަދި ފެލިވަރު ފިޝަރީޒް ކޮމްޕްލެކްސްތައް ބޮޑުކުރުމުގެ މަޝްރޫޢާއި، ހަނިމާދޫ އަދި އައްޑޫ އެއަރޕޯޓްތަކުގެ މަޝްރޫޢާއި އައި.ޖީ.އެމް.އެޗް ގެ މަޝްރޫޢަކީވެސް އިންޑިއާ ސަރުކާރުގެ އެހީގައި ހިންގާފައިވާ ޕްރޮޖެކްތްތަކެވެ. މީގެ އިތުރުން ހައި އިމްޕެކްޓް ކޮމިއުނިޓީ ޑިވެލޮޕްމަންޓް ޕްރޮޖެކްޓްސްގެ ދަށުން 60 އަށްވުރެ ގިނަ ރަށުގައި 47 ޕްރޮޖެކްޓެއް އިންޑިއާގެ ހިލޭ އެހީގައި ހިންގުނެވެ. މި ޕްރޮޖެކްޓްތަކުގެ އަގު 250 މިލިއަން ދިވެހި ރުފިޔާއަށްވުރެ މަތިވާނެއެވެ. އަދި ކޮވިޑް-19 ބަލިމަޑުކަމާ ކުރިމަތިލުމުގައިވެސް އަދި އެކަމުން އަރައިގަތުމަށްވެސް އިންޑިއާއިން ދިވެހިރާއްޖެއަށް ވަރަށް ބޮޑު އެހީތެރިކަމެއް ފޯރުކޮށްދިނެވެ. އެގޮތުން އިންޑިއާއިން ވަނީ ވެކްސިން، ސިއްހީ ދާއިރާއަށް ބޭނުންވާ އެކިއެކި ސާމާނު، މާލީ އެހީތެރިކަން އަދި އިންސާނީ އެހީތެރިކަން ފޯރުކޮށްދިނެވެ.

އިންޑިއާގެ ޚާރިޖީ ވަޒީރު ދިވެހިރާއްޖެއަށް ކުރައްވަމުން ގެންދަވާ ދަތުރުފުޅަށް އެމްޑީޕީއިން މަރުހަބާ ކިޔައިފި

"އެމްޑީޕީ ރޯޑްމެޕް" ނަމުގައި ޕާޓީގެ އިދާރީ ހިންގުން ހަރުދަނާކުރުމަށް މަގުޗާޓެއް އެކުލަވާލުމަށް ނިމިދިޔަ ޖޫން މަހުގެ 11 ވަނަ ދުވަހު ޕާޓީގެ ގައުމީ މަޖިލީހުން ނިންމުމާ ގުޅިގެން އެ މަގުޗާޓާއި ގުޅޭ މައުލޫމާތު ޕާޓީގެ އާންމު މެންބެރުންނާ ހިއްސާކޮށް ހިޔާލާ މަޝްވަރާ ހޯދުމުގެ ސިލްސިލާ ދަތުރުތަކެއް މިއަދު ފަށައިފިއެވެ. މިދަތުރުގައި އެމްޑީޕީގެ ޗެއާރޕާސަން ފައްޔާޒު އިސްމާއިލް، ޗެއާރޕާސަންގެ ނައިބު އަހުމަދު އަބްދުالله އަދި ޕާލިމަންޓަރީ ގްރޫޕުގެ ލީޑަރ ހިތަދޫ ދެކުނު ދާއިރާގެ މެންބަރު އިބްރާހިމް ނާޒިލް ބައިވެރިވެވަޑައިގަންނަވައެވެ. މި ސިލްސިލާގެ ފުރަތަމަ ދަތުރުތައް ކުރުމަށް ހަމަޖެހިފައިވަނީ އައްޑޫ، ފުވައްމުލައް އަދި ތިނަދޫ ސިޓީ އާއި ހުވަދޫ އަތޮޅުގެ ހުރިހާ ދާއިރާތައް ހިމެނޭ ރަށްތަކަށެވެ.   ރައްޔިތުންގެ މަޖިލީހުގެ އިންތިހާބަށްފަހު ޕާޓީގެ ހިންގުން ހަރުދަނާ ކުރުމަށް ވަނީ ގިނަ މަސައްކަތްތަކެއް ފަށާފައެވެ. މިގޮތުން އެމްޑީޕީ އަކީ އިންތިޒާމުވެގެން ހިންގާ މުއައްސަސާއަކަށް ހެދުމަށް ޕާޓީގެ އޮނިގަނޑަށާއި އަސާސީ ޤަވާއިދަށް ބަދަލުތަކެއް ގެނައުމަށް ވަނީ މަގުޗާޓެއް އެކެލަވާލެވިފައެވެ. ޕާޓީގެ ޗެއާރޕާސަންގެ އިސްނެންގެވުމުގެ މަތިން ޒަމާނާ އެއްގޮތަށް ޕާޓީގެ ހިންގުން ހަރުދަނާ ކުރުމަށް އެކުލަވާލެވުނު މި ރޯޑްމެޕް މިހާތަނަށް ޕާޓީގެ އެކި ދާއިރާތަކުގެ އިސް ސަފުގައި މަސައްކަތްކުރައްވާ ހާހަކަށްވުރެ ގިނަ މެންބަރުންނާ ހިއްސާކޮށް މައުލޫމާތު ބަދަލުކުރެވި އެފަރާތްތަކުގެ ހިޔާލު ހޯދާފައިވެއެވެ. ދިވެހިރާއްޖޭގެ ޑިމޮކްރަސީ ހަރުދަނާ ކުރުމަށް ސިޔާސީ ޕާޓީތަކުގެ ދައުރު ނުހަނު މުހިއްމުވީ ހިނދު ސިޔާސީ ޕާޓީތަކަކީ ދިވެހިރާއްޖޭގެ ޑިމޮކްރަސީގެ މައި އެއްތަނބެވެ. އެމްޑީޕީއަކީ ދިވެހި ރާއްޖޭގެ ސިޔާސީ ނިޒާމުގެ އެއް މުއައްސަސާ ކަމުގައިވާތީވެ ޕާޓީއަކީ އިންތިޒާމުވެގެން ހިންގާ މުއައްސަސާއަކަށް ހެދުމަކީ ނުހަނު މުހިންމުކަމެކެވެ.  މި ސިލްސިލާ ދަތުރުތަކުގެ މައިގަނޑު މަޤްސަދަކީ ޕާޓީގެ ކުރިމަގު ހަރުދަނާ ކުރުމަށް ކުރާ  މަސައްކަތްތަކަކީ އާންމު މެންބެރުންގެ ބައިވެރިވުމާ ހިޔާލާ މަޝްވަރާއާއެކު ކުރެވޭ މަސައްކަތްތަކެއްކަން ކަށަވަރުކުރުމެވެ. މި ސިލްސިލާގެ ފުރަތަމަ ދަތުރު ނިންމަވާލެއްވުމަށްފަހު ޕާޓީގެ ޗެއަރޕާސަން އަދި ވަފްދު އެނބުރި މާލެ ވަޑައިގަންނަވާނީ 22 ޖުލައި ވާ ހޯމަ ދުވަހުއެވެ. 17 ޖުލައި 2024

"އެމްޑީޕީ ރޯޑްމެޕް" ދަތުރު – ޕާޓީގެ އިދާރީ ހިންގުން ހަރުދަނާ ކުރުމަށް އެކުލަވާލެވޭ މަގުޗާޓާ މެދު ޕާޓިގެ އާންމު މެންބަރުންގެ ހިޔާލާ މަޝްވަރާ ހޯދުމަށް މިއަދު ސިލްސިލާ ދަތުރުތަކެއް ފަށައިފި

ބައިނަލްއަޤްވާމީ ގޮތުން މަސްތުވާތަކެއްޗާއި ދެކޮޅަށް މަސައްކަތްކުރާ ދުވަހުގެ ހެޔޮއެދުމާއި ތަހުނިޔާ ދަންނަވަމެވެ.  މި މުނާސަބަތުގައި އެމްޑީޕީއިން މަސްތުވާތަކެއްޗާއި ދެކޮޅަށް ކޮށްފައިވާ މަސައްކަތްތައް ފަހުރުވެރިކަމާއި އެކު ފާހަގަ ކޮށްލަމެވެ. މި ދުވަހުގެ ޝިޔާރަކީ "އިންވެސްޓް އިން ޕްރިވެންޝަން"، މި ޝިޔާރަކި އެމްޑީޕީގެ އުސޫލްތަކާއި މިންގަޑުތަކާއި ވަރަށް އެއްގޮތް ޝިޔާރެކެވެ. އަޅުގަނޑުމެން ގަބޫލުކުރަނީ، މަސްތުވާތަކެއްޗާއި ދެކޮޅަށް ކުރެވޭ މަސައްކަތްތަކަކީ ސައިންސުގެ ހެކީގެ އަލީގައި ކުރެވޭ މަސައްކަތްތަކެއް ކަމުގައި ވާންޖެހޭނެކަމެވެ.  ދުނިޔޭގެ ސިއްހަތު ޖަމިއްޔާއިން ކަނޑައަޅާފައިވާ ގޮތުގައި މަސްތުވާތަކެތީގެ މައްސަލަތަކަކީ ސިއްޙީ މައްސަލައެއްގެ ގޮތުގައެވެ. އަދި ދިވެހިރާއްޖެ ސޮއި ކޮށްފައިވާ ޔޫ.އެންގެ މުޢާހަދާތަކުންވެސް ބާރުއަޅަނީ މިމަގަށެވެ.  މިކަން މިހެން އޮތްހިނދު، ސަރުކާރުން މިނިސްޓްރީ އޮފް ހެލްތްގެ ދަށުގައި އޮތް ނެޝަނަލް ޑްރަގް އެޖެންސީ، މިނިސްޓްރީ އޮފް ހޯމްލޭންޑް ސެކިއުރިޓީ އެންޑް ޓެކްނޮލޮޖީގެ ދަށަށްބަދަލު ކުރުމަކީ މި ޕާޓީއިން އިންތިހާއަށް ކަންބޮޑުވާކަމެކެވެ. ޤާނޫނުގަ ބަޔާން ކުރާ ނެޝަނަލް ޑްރަގްސް ކޮންޓްރޯލް ކައުންސިލް އެކުލަވާލާފައި ނެތުމަކީ ވަރަށް ބޮޑު އިހުމާލެކެވެ. އަޅުގަނޑުމެން މިސަރުކާރަށް މިގޮވާލަނީ އެމްޑީޕީއިން މަސްތުވާތަކެއްޗާއި ދެކޮޅަށް މަސައްކަތްކުރާ ތަޖުރިބާ ކާރުންނާއި ޑަބްލިއުއެޗްއޯ އަދި ޔޫއެންއޯޑީސީއާއި އެކު ކޮށްފައިވާ ދިރާސާތަކާއި މަސައްކަތްތައް ތަންފީޒުކުރުމަށެވެ. އަދި މިއަހަރުގެ ޝިއާރާއި އެއްގޮތަށް ޕްރިވެންޝަން އިސްކޮށް ދުރާލާ މިކަމަށް ފިޔަވަޅު އެޅުމަށެވެ.

ބައިނަލްއަޤުވާމީ ގޮތުން މަސްތުވާތަކެއްޗާ ދެކޮޅަށް މަސައްކަތްކުރާ ދުވަސް

ރާއްޖޭގެ ޑިމޮކްރަސީ ކުރިއަރުވައި ދެމެހެއްޓުމުގެ ގޮތުން އެންމެ މައި އިދިކޮޅު ޕާޓީގެ ހައިސިއްޔަތުން ދިވެހިރައްޔިތުންގެ ޑިމޮކްރަޓިކް ޕާޓީ (އެމްޑީޕީ) އިންސްޓިޓިއުޝަނަލައިޒް ކުރުމުގެ މުހިންމު މަސައްކަތްތަކެއް ޕާޓީގެ 19 އަހަރުގެ ތަޖުރިބާގެ އަލީގައި ފެށުމަށް ގައުމީ މަޖިލީހުގެ މެމްބަރުންނާއި މައުލޫމާތު ހިއްސާކޮށްފި އެވެ.  މިރޭ ބޭއްވި ގައުމީ މަޖިލީހުގެ ބައްދަލުވުމުގައި ވަނީ ނިމިގެންދިޔަ ދެ އިންތިހާބު ގެއްލުނު ސަބަބުތައް ހޯދައި, ދިރާސާ ކުރުމަށް އެކުލަވާލި ޓެކްނިކަލް ކޮމިޓީގެ މަސައްކަތްތަކާ ގުޅޭ އެންމެ ފަހުގެ އަދާހަމަ ވެސް ގައުމީ މަޖިލީހުގެ މެމްބަރުންނާ ހިއްސާކޮށްފަ އެވެ.  އެގޮތުން, ކޮމިޓީގެ ފަރާތުން ޕާޓީގެ އެކިއެކި ފަރާތްތަކާ އިންޓަވިއުކުރުމުގެ މަސައްކަތް މިހާރުވެސް ކުރިއަށްދެއެވެ.  އަދި ރާއްޖޭގެ ހުރިހާ ސަރަހައްދެއްގައި ތިބި އެމްޑީޕީގެ މެމްބަރުންގެ ހިޔާލާއި މަޝްވަރާ ހޯދުމަށް ވަނީ އާންމުކޮށް ހުޅުވާލާފަ އެވެ. ހަމައެހެންމެ, ރާއްޖޭގެ އެކި ރަށްރަށަށް ޒިޔާރަތް ކޮށް މެމްބަރުންގެ ހިޔާލު ވެސް އެ ކޮމިޓީން ހޯދުމަށް ވަނީ ނިންމާފަ އެވެ.  އިންތިހާބު ތަކަށްފަހު އެމްޑީޕީގެ އެކި ގުނަންތަކާއި ގިނަ ދުވަހު އެމްޑީޕީއަށް ހިދުމަތް ކުރެއްވި ފަރާތްތަކާ އެކު ބައްދަލުވުންތައް ބާއްވައި އެ ބައްދަލުވުންތަކުން ލިބިފައިވާ ހިޔާލުތައް ޕާޓީގެ ޗެއާޕާސަން ފައްޔާޟް އިސްމާއީލް ވަނީ ގައުމީ މަޖިލީހާ ހިއްސާކުރައްވާފަ އެވެ.  ރާއްޖޭގެ ސިޔާސީ މަޝްރަހަށް ބޮޑެތި ބަދަލުތަކެއް ފާއިތުވީ އަހަރުތަކުގައި އައިސްފައިވާއިރު އެ ބަދަލުތަކާ އެއްވަރަށް ޕާޓީގެ ހިންގުމަށްވެސް ބަދަލު ގެނެސް މުއައްސަސާއެއްގެ ގޮތުގައި އިންސްޓިޓިއުޝަނަލައިޒް ކުރުމަކީ ދިވެހިރާއްޖޭގެ ޑިމޮކްރަސީ ކުރިއެރުވުމަށް މުހިއްމު ކަމެއް ކަމުގައި ޗެއާޕާރސަން ވިދާޅުވިއެވެ. އެކަމަށް ވާސިލުވުމުގެ ގޮތުން ހަރުދަނާ މަގުޗާޓެއް އެކުލަވާލުމުގެ މަސައްކަތް ކުރައްވަމުން އަންނަ ކަމުގައި ޗެއާޕާސަން ވިދާޅުވިއެވެ.  މި މަގުޗާޓަކީ އެމްޑީޕީގެ ވިސްނުމާއި ފިކުރާއި ތަސައްވުރު އަދި މިޝަން ރަނގަޅަށް ބަޔާންކުރެވިފައިވާ މުސްތަގުބަލުގެ ލީޑަރުން އުފައްދާނެ މަގުޗާޓަކަށް ހެދުމަށް ޗެއާޕާސަން ގައުމީ މަޖިލީހުގައި އެދިވަޑައިގެންނެވި އެވެ. އަދި, އެމްޑީޕީގެ ފިކުރަކީ ސިޔާސަތުތަކުގެ މައްޗަށް އެކުލެވޭ, މައިގަނޑު ދާއިރާތަކުގެ އެލައިންމެންޓް ފެންނަ އެމްޑީޕީއަށާއި އެމްޑީޕީގެ ސިޔާސަތުތަކަށް ތާއީދުކުރާ މީހުން އެމްޑީޕީއަށް ވޯޓު ދިނުން އިތުރުކުރާނެ ގޮތުގެ އިސްތިރާޖީ މަގުޗާޓަކަށް ހެދުމަކީ މުހިއްމު ކަމެއް ކަމުގައިވެސް ޗެއާޕާރސަން ވިދާޅުވިއެވެ.  މި މަސައްކަތް ކުރުމުގައި ގައުމީ މަޖިލީހުގެ މެމްބަރުންނާ ފުޅާ ދާއިރާއެއްގައި މަޝްވަރާ ކުރެވޭނެ ކަމަށާއި އަދި މި މަސައްކަތުގެ މައުލޫމާތު ޕާޓީގެ ހުރިހާ މެމްބަރުންނާއި އާންމު ރައްޔިތުންނާވެސް ކުރިއަށް އޮތް ދުވަސްތަކުގައި ހިއްސާކުރައްވާނެ ކަމުގައި ޗެއާޕާސަން ވިދާޅުވިއެވެ.

ޚަބަރުތައް