މަތި ދެކުނު ޕްރޮވިންސްގައި ފެނާއި ނަރުދަމާގެ ޚިދުމަތް ފޯރުކޮށްދިނުމަށްޓަކައި އެމެރިކާގެ ޔޫ.އީ.އެމް. ގްރޫޕާއި އަޕަރ ސައުތު ޔޫޓިލިޓީޒް ލިމިޓެޑާ ދެމެދު މިއަދު އެގްރީމެންޓެއްގައި ސޮއި ކުރައްވައިފިއެވެ.
ފަލަސްޠީނު ސަފީރު ޑޮކްޓަރ އަންވަރް އަލްއަޣާ އާއި، މިސުރު ސަރުކާރުން ރާއްޖެއަށް ކަނޑައެޅުއްވި ސަފީރު މިސްޓަރ ފައުޒީ މުޙަންމަދު އަލް ސަޢީދު ގޯހަރާ ރައީސުލްޖުމްހޫރިއްޔާ މުޙަންމަދު ނަޝީދު މިއަދު ބައްދަލުކުރައްވައިފިއެވެ.
ފުވައްމުލަކުގައި ހުންނަ އެމްޑީޕީ އޮފީހުގެ ދިދައިގައި ބަޔަކު ރޭ އަލިފާން ރޯކޮށްލައި އަންދާލައިފިއެވެ. މިކަން ހިންގާފައިވަނީ ރޭ އެއޮފީހުގައި މިނިވަން ދުވަސް ފާހަގަކުރުމުގެ ގޮތުން ބޭއްވި އެއްވުމެއް ނިންމާފައި އެމްޑީޕީގެ މެންބަރުންނާއި އެޕާޓީއަށް ތާޢީދުކުރާ ފަރާތްތައް ގެއަށް ދިޔަ ފަހުންނެވެ.
މިނިވަންދުވަހުގެ މުނާސަބަތުގައި، ރައީސުލްޖުމްހޫރިއްޔާ މުޙަންމަދު ނަޝީދާއި އެމަނިކުފާނުގެ އަނބިކަނބަލުން ލައިލާ ޢަލީ ބޭއްވެވި ރަސްމީ ޙަފްލާ ރޭ ދަރުބާރުގޭގައި ބާއްވަވައިފިއެވެ.
މިޤައުމަށްޓަކައި ނޫން ގޮތަކަށް، ސިފައިންގެ އެންމެ މަތީވެރިޔާގެ ހައިސިއްޔަތުން އެމަނިކުފާނު އެއްވެސް އަމުރެއް ދިވެހި ސިފައިންނަށް ނުކުރައްވާނެ ކަމުގައި ރައީސުލްޖުމްހޫރިއްޔާ މުޙަންމަދު ނަޝީދު ވިދާޅުވެއްޖެއެވެ. ރައީސުލްޖުމްހޫރިއްޔާ މިހެން ވިދާޅުވީ، އެމް.އެން.ޑީ.އެފް.ގެ އޮފިސަރ ޓްރެއިނިން ވިންގް އިފްތިތާޙްކުރުމުގެ ރަސްމިއްޔާތުގައި އިއްޔެ ހެނދުނު މާލެ އަތޮޅު ގިރިފުށީގައި ވާހަކަފުޅު ދައްކަވަމުންނެވެ
މިނިވަން ދުވަހުގެ އިޙްތިފާލްތަކުގައި ބައިވެރިވެވަޑައިގަތުމަށް ރާއްޖެއަށް ޒިޔާރަތްކުރެއްވި ދެކުނު ކޮރެއާ ސަފީރު މިސްޓަރ ޗޮއި ކީ-ޗުލްއާއި، ތުރުކީ ސަފީރު ލެވެންޓް ބިލްމަންއާއި، އެމެރިކާ ސަފީރު މިޒް ޕެޓްރީޝިއާ އޭ. ބުޓެނިސް ރައީސުލްޖުމްހޫރިއްޔާ މުޙަންމަދު ނަޝީދާ އިއްޔެ ބައްދަލުކުރައްވައިފިއެވެ.
ރާއްޖޭގެ ސިޔާސީ މަސްރަހާއިބެހޭގޮތުން އިނގިރޭސި ވިލާތުގެ ސިޔާސީ ފަރާތްތަކުގައި ޝަކުވާ ކުރުމަށް އިނގިރޭސިވިލާތަށް ދިޔަ ޤައުމީ ޕާޓީގެ ވަފުދުން އިނގިރޭސި ވިލާތުގެ ސިޔާސީ އެއްވެސް ބޭފުޅަކާއި ބައްދަލުކުރެއްވިކަމުގެ ކުޑަނަމަވެސް މައުލުމާތެއް ލިބިވަޑައިގެންފައިނުވާކަމަށް އިނގިރޭސި ވިލާތުގައި ހުންނަވާ ރާއްޖޭގެ ހައިކޮމިޝަނަރ ޑރ.ފަރަހަނާޒް ފައިޞަލް ވިދާޅުވެއްޖެއެވެ.
މަތި ދެކުނު ޕްރޮވިންސްގެ ގއ.ކޮލަމާފުށީގައި މިއަދު ހަވީރު، ދިވެހިރައްޔިތުންގެ ޑިމޮކްރެޓިކް ޕާޓީ (އެމްޑީޕީ)ގެ އޮފީހެއް ހުޅުވައިފިއެވެ.
މި އޮފީސް ހުޅުއްވައިދެއްވީ ކޮލަމާފުށީގައި މިއަދު ފެށި ހައުސިންގ ޕްރޮޖެކްޓް ފައްޓަވައިދެއްވުމަށް އެރަށަށް ވަޑައިގެން އުޅުއްވާ، މިނިސްޓަރ އޮފް ޔޫތު އެންޑް ސްޕޯޓްސް އަދި މޯލްޑިވްސް ސޯޝަލް ލިބަރަލް ޕާޓީގެ ޑެޕިއުޓީ ލީޑަރު އަލްއުސްތާޛް ޙަސަން ލަތީފް އެވެ.
މިނިވަން ދުވަހުގެ މުނާސަބަތުގައި، މިއަދު ހަވީރު ޖުމްހޫރީ މައިދާނުގައި ބޭއްވެވި ހެވިކަމާއި ޝަރަފްގެ ހިނގާލުމުގެ ޕްރޮގްރާމް، ރައީސުލްޖުމްހޫރިއްޔާގެ ދެކަނބަލުން ބައްލަވާލައްވައިފި މިނިވަންދުވަހުގެ މުނާސަބަތުގައި، މިއަދު ހަވީރު ޖުމްހޫރީ މައިދާނުގައި ބޭއްވެވި ހެވިކަމާއި ޝަރަފްގެ ހިނގާލުމުގެ ޕްރޮގްރާމް، ރައީސުލްޖުމްހޫރިއްޔާ މުޙަންމަދު ނަޝީދާއި، އެމަނިކުފާނުގެ އަނބިކަނބަލުން ލައިލާ ޢަލީ ބައްލަވާލައްވައިފިއެވެ.
މާލެ އަތޮޅު ފޭދޫފިނޮޅުގައި ހުންނަ ކަރެކްޝަނަލް ޓްރެއިނިންގ ސެންޓަރ ފޮރ ޗިލްޑްރަން، ރައީސުލްޖުމްހޫރިއްޔާގެ އަނބިކަނބަލުން ލައިލާ ޢަލީ މިއަދު ހުޅުއްވައިދެއްވައިފިއެވެ.
ފޭދޫފިނޮޅުގެ ކަރެކްޝަނަލަ ޓްރެއިނިންގ ސެންޓަރ ފޮރ ޗިލްޑްރަން، އިފްތިތާޙް ވެގެންދިޔައީ ރައީސުލްޖުމްހޫރިއްޔާގެ އަނބިކަނބަލުން އެ ސެންޓަރުގެ ބޯޑުގެ ފޮތިގަނޑު ކައްސަވާލެއްވުމުންނެވެ.
މި ސެންޓަރު ހުޅުވައިދެއްވުމުގެ ރަސްމިއްޔާތަށްފަހު ލައިލާ ޢަލީ، އެ ސެންޓަރުގައި ތިބި ދަރިވަރުންގެ މަސައްކަތް ބައްލަވާލައްވައި ދަރިވަރުންނާ ބައްދަލުކުރެއްވިއެވެ.
