ރައްޔިތުންގެ މަޖިލީހުގެ ގައްދޫ ދާއިރާގެ އިއްޒަތްތެރި މެންބަރު ޒާހިރު އާދަމް (ގައްދޫ ޒާހިރު)، ދިވެހި ރައްޔިތުންގެ ޑިމޮކްރެޓިކް ޕާޓީ (އެމްޑީޕީ) އާ ގުޅިވަޑައިގަތުމާ ގުޅިގެން އޭނާ އަށް މަރުހަބާ ދެންނެވުމަށް މިރޭ އެޕާޓީގެ ޚާއްސަ ޖަލްސާއެއް ބާއްވާ ގޮތަށް ހަމަޖެއްސުމަށްފަހު އެ ޖަލްސާ ފަސްކޮށްފިއެވެ.
ރައްޔިތުންގެ މަޖިލީހުގެ ގައްދޫ ދާއިރާގެ އިއްޒަތްތެރި މެންބަރު ޒާހިރު އާދަމް (ގައްދޫ ޒާހިރު) ދިވެހި ރައްޔިތުންގެ ޑިމޮކްރެޓިކް ޕާޓީ (އެމްޑީޕީ) އާ ގުޅިވަޑައިގަތުމާ ގުޅިގެން އޭނާ އަށް މަރުހަބާ ދެންނެވުމަށް މިރޭ އެޕާޓީގެ ޚާއްސަ ޖަލްސާއެއް އޮންނާނެ ކަމަށް އެމްޑީޕީން ބުނެފިއެވެ.
ދިވެހިރައްޔިތުންގެ ޑިމޮކްރެޓިކް ޕާޓީ (އެމްޑީޕީ) އާއި އެޕާޓީ އާއި ގުޅިފައިވާ އިއްތިހާދުގެ ފަރާތުން ބާއްވާ ޕްރެސް ކޮންފަރެންސެއް މިއަދު މެންދުރުފަހު 3.00 ގައި ދަރުބާރުގޭ ފަންސަވީސް މާލަމުގައި އޮންނާނެއެވެ.
ދިވެހިރައްޔިތުންގެ ޑިމޮކްރެޓިކް ޕާޓީ (އެމްޑީޕީ)ގެ ޤައުމީ މަޖިލީހުގެ ޤަރާރަކުން އެޕާޓީގެ ކޮންގްރެސް މިއަންނަ އޮކްޓޯބަރު މަހުގެ 28، 29 އަދި 30 މި ތިން ދުވަހު ބާއްވާގޮތަށް ވަނީ ހަމަޖެހިފައެވެ.
ވީމާ 2010 އޮކްޓޯބަރ 28 ން 30 އަށް މި ޕާޓީގެ ކޮންގްރެސް ދަރުބާރުގޭގައި ބާއްވާގޮތަށް ހަމަޖެހިފައިވާ ވާހަކަ އާންމުކޮށް އެންގުމަށްޓަކައި އިޢުލާންކުރީމެވެ.
މި ކޮންގްރެސްގައި ބައިވެރިވެވަޑައިގެންނެވޭނީ ތިރީގައި މިދަންނަވާ ފަރާތްތަކަށެވެ.
1. ޤައުމީ މަޖިލީހުގެ ހުރިހާ މެންބަރުން
2. ދާއިރާތަކުގެ ހިންގާ ކޮމިޓީގެ ހުރިހާ މެންބަރުން
3. 15 ސެޕްޓެމްބަރ 2010ގެ ކުރިން މި ޕާޓީގައި ރަޖިސްޓްރީކޮށްފައިވާ ގޮފިތަކުގެ ރައީސުންނާއި، އަދި އެގޮތްޕެއްގައި ހިމެނޭ ކޮންމެ 100 މެންބަރަކަށް އެއް މަންދޫބު
4. މަޤްބޫލު އުޒުރަކާހުރެ ގޮފީގެ ރައީސްއަށް ކޮންގްރެސްއަށް ވަޑައިގަތުމަށް އުޒުރުވެރިވާނަމަ ގޮފީގެ ނައިބު ރައީސް
ވީމާ މި އިޢުލާނުގެ 3 ވަނަ ނަންބަރުގައި ބަޔާންކޮށްފައިވާ މަންދޫބުން ކަނޑައެޅުމުގެ ކަންތައް ޑިމޮކްރެޓިކް ހަމަތަކާ އެއްގޮތްވާ ގޮތުގެ މަތީން، ގޮފިތަކުން ހަމަޖެއްސެވުމަށްފަހު އެމްޑީޕީ ސެކްރެޓޭރިއަޓް އަށް ލިޔުމަކުން އެންގެވުން އެދެމެވެ.
އިތުރު މަޢުލޫމާތު ހޯއްދެވުމަށް މިއޮފީހުގެ ނަންބަރު 3340044 އަށް ގުޅުއްވުންއެދެމެވެ.
ފެކްސް: 3322960 ވެބްސައިޓް: www.mdp.org.mv
31 އޮގަސްޓް 2010
ދިވެހިރައްޔިތުންގެ ޑިމޮކްރެޓިކް ޕާޓީ (އެމްޑީޕީ)ން އިންތިޒާމްކޮށްގެން ބާއްވާ ޚާއްސަ ތަރާވީހެއް މިރޭ އެމްޑީޕީ ހަރުގޭގައި އޮންނާނެއެވެ.
މިރޭ ( 31 އޯގަސްޓް 2010 ވާ އަންގާރަ ދުވަހުގެރޭ) 9.30 ގައި އަމީނީ މަގުގައި ހުންނަ އެމްޑީޕީގެ ހަރުގޭގައި އޮންނަ މި ޚާއްސަ ތަރާވީހުގައި ރާއްޖޭގެ އިއްޒަތްތެރި ރައީސުލްޖުމްހޫރިއްޔާ މުޙަންމަދު ނަޝީދުވެސް ބައިވެރިވެވަޑައިގަންނަވާނެއެވެ.
އެމްޑީޕީގެ ދާއިރާތަކުގެ އިންތިޚާބުގެ ކަންތައް އިތުރަށް ހަރުދަނާކުރުމަށް ކުރަން ޖެހޭ ގިނަ ކަންތައްތަކެއް ހުރިކަމަށް އެމްޑީޕީގެ ޤައުމީ އިންތިޚާބާ ބެހޭ ކޮމިޓީން ފާހަގަކޮށްފައިވާތީ، ދާއިރާތަކުގެ އިންތިޚާބު 24 ސެޕްޓެމްބަރ 2010ވާ ހުކުރު ދުވަހު ބާއްވާ ގޮތަށް ހަމަޖައްސައި، މިހާރު މަޤާމްތަކަށް ކުރިމަތިލާފައިވާ ފަރާތްތަކުގެ އެޕްލިކޭޝަންތައް ބާޠިލްކޮށް އަލުން މި އިންތިޚާބަށް ކުރިމަތިލުމުގެ ފުރުޞަތު ހުޅުވާލުމަށް ނިންމާފައިވާ ވާހަކަ އާންމުކޮށް އެންގުމަށްޓަކައި އިއުލާންކުރީމެވެ.
އެމްޑީޕީ ދާއިރާތަކުގެ އިންތިޚާބު 2010 ގައި އިންތިޚާބުކުރުމަށް ހަމަޖެހިފައިވާ ތިރީގައި މިދަންނަވާ މަޤާމްތަކަށް ކުރިމަތިލައްވަން އެދިވަޑައިގަންނަވާ ފަރާތްތަކުން ސިޓީ ހުށަހަޅުއްވަން ޖެހޭ އެންމެ ފަހު ތާރީޚަކީ 7 ސެޕްޓެމްބަރ 2010 ވާ އަންގާރަ ދުވަހުގެ ހަވީރު 4.00 އެވެ.
ހ. ދާއިރާގެ ރައީސް
ށ. ދާއިރާގެ ނާއިބްރައީސް
ނ. ސެކްރެޓަރީ
ރ. ސެކްރެޓަރީގެ ނާއިބް
ބ. އިންތިޒާމް ސެކްރެޓަރީ
ދާއިރާތަކުގެ އިންތިޚާބުގެ ޤަވާޢިދާއި، ދާއިރާ ހިންގާކޮމެޓީތަކުގެ ހުސްވެފައިވާ މަޤާމްތައް އެނގޭނޭ ލިސްޓެއް އެމްޑީޕީގެ ސެކްރެޓޭރިއެޓުންނާއި މިޕާޓީގެ ވެބްސައިޓުން ލިބެންހުންނާނެއެވެ.
30 އޮގަސްޓް 2010
ދިވެހިރައްޔިތުންގެ ޑިމޮކްރެޓިކް ޕާޓީ (އެމްޑީޕީ)ގެ ދާއިރާތަކުގެ އިންތިޚާބުގެ ވޯޓުނެގުން އޮންނާނީ އިލެކްޓްރޯނިކްކޮށް ހަމައެކަނި އެސްއެމްއެސް އިން ވޯޓުލެވޭ ގޮތަށެވެ. އެހެންކަމުން ރާއްޖޭގެ މީހުން ދިރިއުޅޭ ކޮންމެ ރަށެއްގައި ވޯޓިންގ ސްޓޭޝަނެއް ޤާއިމްކޮށް، އެރަށެއްގެ އެމްޑީޕީ މެންބަރުންގެ ވޯޓު އެސްއެމްއެސް ކުރާނޭ ވަކި ޚާއްޞަ ފޯން ނަންބަރެއް ކަނޑައެޅޭނެ ވާހަކަ ދަންނަވަމެވެ.
ހަމަމިއާއެކު، އެމްޑީޕީ ދާއިރާތަކުގެ އިންތިޚާބު ބާއްވާ ދުވަހު އެމީހަކު ރަށްވެހިވެފައިވާ ރަށް ނޫން ރަށެއްގައި (މާލެ ފިޔަވައި) ނުވަތަ ރާއްޖެއިން ބޭރުގައި ވޯޓުލާނަމަ، އެމީހަކު ވޯޓުލާން ބޭނުންވާ ފޯން ނަންބަރު މި އޮފީހުގައި ރަޖިސްޓްރީކުރާ ގޮތަށް ހަމަޖައްސައި އެކަން ޢާންމުކޮށް އެންގުމަށްޓަކައި އިޢުލާން ކުރީމެވެ. މާލޭގައި ދިރިއުޅުއްވާ އެހެން ރަށްރަށުގެ ނުވަތަ ދާއިރާތަކުގެ މީހުން ވޯޓުލުމުގެ ކުރިން ރަޖިސްޓްރީ ކުރާކަށްނުޖެހެނެއެވެ. އަދި އެ މީހުންނަށް އެ މީހުންގެ ދާއިރާގެ ކެނޑިޑޭޓުންނަށް މާލޭގައިތިބެގެން ވޯޓުލެވޭނޭ އިންތިޒާމް އެމްޑީޕީ ހަރުގޭގައި ހަމަޖެހިގެންދާނޭ ކަމަށްވެސް ދަންނަވަމެވެ.
ރަށްވެހިވެފައިވާ ރަށް ނޫން އެހެން ރަށެއްގައި ވޯޓުލުމަށް ފޯން ނަންބަރު ރަޖިސްޓްރީކޮށްފައިވާ އެއްވެސް ފަރާތަކަށް ވޯޓިންގ ސްޓޭޝަނެއްގެ ފޯންނަންބަރަކުން ވޯޓު އެސް އެމްއެސް އެއް ނުކުރެވޭނެއެވެ. އަދި ވޯޓުލުމަށް ރަޖިސްޓްރީކުރާ ފޯން ނަންބަރަކީ ކޮންމެހެން އެމީހެއްގެ އަމިއްލަ ނަމުގައި ރަޖިސްޓްރީ ވެފައިވާ ފޯން ނަންބަރަކަށް ވުން ލާޒިމެއް ނޫނެވެ.
ވީމާ، އެމްޑީޕީ ދާއިރާތަކުގެ އިންތިޚާބު 2010 ގައި އެމީހަކު ރަށްވެހިވެފައިވާ ރަށް ނޫން އެހެން ރަށެއްގައި ވޯޓުލުމަށްޓަކައި ރަޖިސްޓްރީ ވުމަށް ތިރީގައި މިދަންނަވާ މަޢުލޫމާތު، ފެކްސް ނުވަތަ އީމެއިލްގެ ޒަރިޢާއިން 29 އޯގަސްޓް 2010 ވާ އާދީއްތަ ދުވަހުގެ ހަވީރު 4.00 ގެ ކުރިން މި އޮފީހަށް ފޮނުއްވުން އެދެމެވެ. މެއިލްކުރައްވާނީ: register@mdp.org.mv އަށެވެ. ފެކްސްކުރައްވާނީ 3322960 މިނަންބަރަށެވެ.
1. ފުރިހަމަ ނަން
2. ދިވެހިރައްޔިތެއްކަން އަންގައިދޭ ކާރޑް ނަންބަރު
3. މަންމަގެ ނަން
4. ދާއިމީ އެޑްރެސް
5. މިހާރު ދިރިއުޅޭ އެޑްރެސް
6. އިންތިޚާބީ ދާއިރާ
7. ވޯޓުލާ ފޯން ނަންބަރު
8. އީމެއިލް
އިތުރު މަޢުލޫމާތު ހޯއްދެވުމަށް މިއޮފީހުގެ ނަންބަރު 3340044 އަށް ގުޅުއްވުންއެދެމެވެ.
ފެކްސް: 3322960 ވެބްސައިޓް: www.mdp.org.mv
23 އޮގަސްޓް 2010
ދިވެހިރައްޔިތުންގެ ޑިމޮކްރެޓިކް ޕާޓީ (އެމްޑީޕީ)ގެ ޓިކެޓްގައި ލޯކަލް ކައުންސިލް އިންތިޚާބުތަކަށް ކުރިމަތިލައްވަން ބޭނުންފުޅުވާ ފަރާތްތަކަށް، 20 ޖޫން 2010ން ފެށިގެން ހުޅުވާލެވިފައިވާ ފުރުޞަތުގެ މުއްދަތު، ބައެއް ދާއިރާތަކަށް، 31 އޮގަސްޓް 2010 ވާ އަންގާރަ ދުވަހުގެ މެންދުރުފަހު 1.00 އާ ހަމައަށް އިތުރު ކުރެވިފައިވާ ވާހަކަ ދަންނަވަމެވެ.
ނަމަވެސް މި ފުރުޞަތު ހުޅުވާލާފައިމިވަނީ އެމްޑީޕީގެ ފެކްޓްފައިންޑިންގ ޓީމް މިހާތަނަށް ޒިޔާރަތްކޮށްފައިވާ ތިނަދޫ ދާއިރާ، މަޑަވެލި ދާއިރާ، ވިލިގިލި ދާއިރާ، ފަރެސްމާތޮޑާ ދާއިރާ، ގައްދޫ ދާއިރާ އަދި ގެމަނަފުށި ދާއިރާ ފިޔަވައި އެހެން ދާއިރާތަކަށެވެ.
ވީމާ، މިހާރު ހަމަޖެހިފައިވާ ގޮތުން، އެމްޑީޕީގެ ޓިކެޓްގައި ލޯކަލް ކައުންސިލް އިންތިޚާބުތަކަށް ކުރިމަތިލާން ބޭނުންވާ ފަރާތްތަކުން އެޕްލިކޭޝަން ފޯމާއި ވަނަވަރު، އެމްޑީޕީގެ ޤައުމީ ސެކްރެޓޭރިއަޓް (ހ. ޝަރާޝާ، މާލެ) އަށް ހުށަހަޅުއްވަން ޖެހޭ އެންމެ ފަހު ތާރީޚަކީ، 31 އޮގަސްޓް 2010 ވާ އަންގާރަ ދުވަހުގެ މެންދުރުފަހު 1.00 އެވެ.
އިތުރު މަޢުލޫމާތު ހޯއްދެވުމަށް މިއޮފީހުގެ ނަންބަރު 3340044 އަށް ގުޅުއްވުންއެދެމެވެ.
ފެކްސް: 3322960
ވެބްސައިޓް: www.mdp.org.mv
އީމެއިލް: council@mdp.org.mv
18 އޮގަސްޓް 2010
މަޤާމް: ރިސެޕްޝަނިސްޓް
ބޭނުންވާ އަދަދު: 1
ޝަރުތު: ޕާޓީގެ މެންބަރަކަށް ވުމާއި، މަޤާމުގެ މަސައްކަތްކުރުމުގެ ހުނަރު / ޤާބިލްކަން ހުރިކަން ސާބިތުކޮށްދިނުމާއެކު، ދަށްވެގެން ސާނަވީ އިމްތިހާނަކުން އިނގިރޭސިއާއެކު ދެ މާއްދާއިން “c” ގްރޭޑް ލިބިފައިވުމާއި، ސެކަންޑްރީ ސްކޫލް ސެޓްފިކެޓް އިމްތިޙާންގައި ދިވެހި މިމާއްދާއިން ދަށްވެގެން “c” ގްރޭޑް ލިބިފައިވުމާއި، ކޮމްޕިއުޓަރަށް އަހުލުވެރިވުން.
މަސައްކަތް ކުރައްވަން ޖެހޭ ރަސްމީ ގަޑި: ހެނދުނު 8.00 ން ހަވީރު 4.00 އަށް، ( ރަމަޟާންމަހު ރަސްމީ ގަޑީގެ ގޮތުގައި ހަމަޖެހިފައިވަނީ ހެނދުނު 9.00 ން މެންދުރުފަހު 1.30 އަށެވެ.)
ސުންގަޑި: މަޤާމަށް އެދިލައްވާ ޝަރުޠު ފުރިހަމަވާ ފަރާތްތަކުން 26 އޯގަސްޓް 2010 ވާ ބުރާސްފަތި ދުވަހުގެ މެންދުރު 1:00 ގެ ކުރިން ތަޢުލީމީ ސެޓްފިކެޓްތަކުގެ ކޮޕީ އާއި، ދިވެހިރައްޔިތެއްކަން އަންގައިދޭ ކާޑުގެ ކޮޕީ އަކާއި އެކު އެމްޑީޕީގެ ޤައުމީ ސެކްރެޓޭރިއަޓް (ހ. ޝަރާޝާ، މާލެ) އަށް ސިޓީ އާއި ވަނަވަރު ހުށަހެޅުއްވުން އެދެމެވެ.
އިތުރު މަޢުލޫމާތު ހޯއްދެވުމަށް ފޯން:3340044، ފެކްސް 3322960، އީމެއިލް secretariat@mdp.org.mv
17 އޯގަސްޓް 2010
މިޕާޓީގެ ދާއިރާ އިންތިޚާބު ގައި ތިރީގައި މިދަންނަވާ މަޤާމްތަކަށް ކުރިމަތިލުމުގެ ފުރުޞަތު މިމަހުގެ 19 ވާ ބުރާސްފަތި ދުވަހުގެ ހަވީރު 4:00 އާ ހަމަޔަށް އިތުރު ކޮށްފީމެވެ. އަދި މިފުރުޞަތު އެމްޑީޕީގެ ހުރިހާ މެމްބަރުންނަށް ވަނީ ހުޅުވާލެވިފައެވެ. ވީމާ، މަޤާމްތަކަށް އެދިލައްވާ ބޭފުޅުން ސިޓީއަކުން އެމްޑީޕީގެ ސެކްރެޓޭރިއެޓަށް ހުށަހެޅުއްވުން އެދެމެވެ.
ހ. ދާއިރާގެ ރައީސް
ށ. ދާއިރާގެ ނާއިބްރައީސް
ނ. ސެކްރެޓަރީ
ރ. ސެކްރެޓަރީގެ ނާއިބް
ބ. އިންތިޒާމް ސެކްރެޓަރީ
ދާއިރާ ހިންގާކޮމެޓީތަކުގެ އިންތިޚާބްކުރަންޖެހޭ މަޤާމްތައް އެނގޭނޭ ލިސްޓެއް އެމްޑީޕީގެ ސެކްރެޓޭރިއެޓުންނާއި މިޕާޓީގެ ވެބްސައިޓުން ލިބެންހުންނާނެއެވެ.
11 އޮގަސްޓް 2010
