މި ޕާޓީގެ ފުރަތަމަ ރިޔާސީ ކެންޑިޓޭޓް 11 ނޮވެމްބަރ 2008 ގައި 5 އަހަރު ދުވަހުގެ ދައުރަކަށް އިންތިޚާބުކޮށް މަޤާމުގެ ވާޖިބު އަދާކުރައްވަމުން ގެންވަދަނިކޮށް 7 ފެބްރުއަރީ 2012 ގައި ފުލުހުންނާއި، ސިފައިން ހިންގި ޣައިރުޤާނޫނީ ބަޣާވާތުގައި، މިޕާޓީގެ ރިޔާސީ ކެންޑިޑޭޓް ރައީސުލްޖުމްހޫރިއްޔާ މުޙައްމަދު ނަޝީދު ވަނީ އެ މަޤާމުން ދުރުކޮށްފައެވެ.
އެހެންކަމުން މިޕާޓީން ވަކާލާތުކުރަމުން މިދަނީ އަވަސް ރިޔާސީ އިންތިޚާބެއް ބޭއްވުމަށް ކަމަށްވެފައި، އެފަދަ އިންތިޚާބެއް މިހިނގާ 2012 ވަނަ އަހަރުގައި ބާއްވާއިރު، އެ އިންތިޚާބުގައި މިޕާޓީގެ ފަރާތުން ކުރިމަތިލުމަށް ބޭނުންވާ ކެންޑިޑޭޓަކު އިންތިޚާބު ކުރުމަށް ބާއްވާ، ރިޔާސީ ޕްރައިމަރީ 5 މޭ 2012 ވާ ހޮނިހިރު ދުވަހު ބޭއްވުމަށް ވަނީ ހަމަޖެހިފައެވެ.
ވީމާ މި ޕްރައިމަރީގައި ވާދަކުރައްވަން ބޭނުންފުޅުވާ ތިރީގައި ބަޔާންކުރާ ޝަރުތުތައް ހަމަވާ މި ޕާޓީގެ މެންބަރުން، އެ މެންބަރަކު ރިޔާސީ ޕްރައިމަރީގައި ވާދަކުރުމަށް ތާއީދުކުރާ މިޕާޓީގެ 300 މެންބަރުންގެ ސޮޔާއިއެކު 28 ފެބްރުއަރީ 2012 ވާ އަންގާރަ ދުވަހުގެ ހަވީރު 4:00 ގެ ކުރިން މިޕާޓީގެ ސެކްރެޓޭރިއަޓްއަށް ސިޓީ ހުށައެޅުއްވުން އެދެމެވެ.
(ހ) ދިވެހި މަންމައަކާއި ދިވެހި ބައްޕައަކަށް އުފަން ދިވެހި ރައްޔިތަކު ކަމުގައިވުން އަދި ބޭރުޤައުމެއްގެ ރައްޔިތަކު ކަމުގައި ނުވުން
(ށ) މުސްލިމަކު ކަމުގައިވުމާއި، ސުންނަތް ޖަމާޢަތުގެ މީހަކު ކަމުގައިވުން
(ނ) އުމުރުން ތިރީސްފަސް އަހަރު ފުރިފައިވާ މީހެއް ކަމުގައިވުން.
(ރ) ބުއްދި ހަމައަށްހުރި މީހަކު ކަމުގައިވުން
(ބ) އަދާކުރަންޖެހޭ ސާބިތު ދަރަންޏެއް އޮތް މީހަކުނަމަ، އެދަރަނި ޚަލާސްނުކޮށް ހުރި މީހަކު ކަމުގައި ނުވުން
(ޅ) ޖިނާއީ ކުށެއް ކުރިކަން ސާބިތުވެގެން ބާރަމަސް ދުވަހަށްވުރެ ދިގުމުއްދަތެއްގެ ހުކުމެއް ކުރެވިފައިވާ މީހަކުނަމަ، އެކުމް ތަންފީޛްކޮށް ނިމުނުތާ ނުވަތަ އެހުކުމުން ކަނޑައެޅުނު އަދަބު މަޢާފްކުރެވުނުތާ ތިންއަހަރު ވެފައިވާ މީހަކު ކަމުގައިވުން
(ކ) މިއިއުލާނުގެ (ޅ)ގައި އެހެން އޮތްކަމުގައިވީ ނަމަވެސް އެމީހަކީ އިސްލާމްދީނުގައި ހައްދު ކަނޑައެޅިފައިވާ ކުށެއް ނުވަތަ މަކަރާއި ހީލަތް، ޓެކުން، ޚިޔާނާތް، ކުޑަކުއްޖަކާއެކު ބަދުއަޚްލާޤީ އަމަލެއް ހިންގުމުގެ ކުށެއް ކުރިކަން ޝަރީއަތަށް ސާބިތުވެފައިވާ މީހެއްކަމުގައި ނުވުން
މިހެންވެ މިވާހަކަ އާއްމުކޮށް އަންގާ އިޢުލާންކުރީމެވެ.
21 ފެބްރުއަރީ 2012
-ސެކްރެޓޭރިއަޓް -
[ވިދާޅުވޭ...]
ރާއްޖޭގެ އެކިއެކި ރަށްރަށުގައި “ރާއްޖެ ޓީވީ” ޗެނަލް ބެލުމަކީ މަނާ ކަމެއް ކަމުގައި އެކިއެކި ކައުންސިލްތަކުން ދަނީ ރައްޔިތުންނަށް އަންގަމުންނެވެ.
މުވާސަލާތީ ވަސީލަތްތައް ބޭނުންކުރުމާއި، ޚަބަރާއި މައުލޫމާތު ހޯދުމުގެ މިނިވަންކަން ޤާނޫނުއަސާސީގެ 28 އަދި 29 ވަނަ މާއްދާއިން ކޮންމެ ރައްޔިތަކަށްމެ ވަނީ ކަށަވަރު ކޮށްދީފައެވެ.
ވީމާ، އެއްވެސް ފަރާތަކުން އެފަދަ ވަސީލަތެއް ބޭނުންކުރުން ނުވަތަ ޚަބަރާއި މައުލޫމާތު ހޯދުމަކީ މަނާ ކަމެއް ކަމަށް އަންގަމުން ގެންދިޔުމަކީ ޤާނޫނުއަސާސީއާ ޚިލާފު އެންގުމެއް ކަމަށްވާތީ އެ އެންގުމަށް ތަބާވާން ނުޖެހޭނެކަން އާންމުކޮށް އިޢުލާނު ކުރީމެވެ.
16 ފެބްރުއަރީ 2012
-ސެކްރެޓޭރިއަޓް -
[ވިދާޅުވޭ...]
MDP/2012-001
ނ.މާފަރު ކައުންސިލުން ހުސްވެފައިވާ ގޮނޑިއަށް މެންބަރަކު އިންތިޚާބުކުރުމަށް ބާއްވާ ބައި-އިލެކްޝަން އާއި ބެހޭ
ނ.އަތޮޅު މާފަރު ކައުންސިލުން ހުސްވެފައިވާ ގޮނޑިއަށް މެންބަރަކު އިންތިޚާބުކުރުމަށް ބާއްވާ ބައި-އިލެކްޝަން، 17 މާރޗް 2012 ވާ ހޮނިހިރު ދުވަހު ބާއްވާ ގޮތަށް އިލެކްޝަންސް ކޮމިޝަނުން ވަނީ ހަމަޖައްސާފައެވެ.
މި ބައި-އިލެކްޝަންގައި އެމްޑީޕީގެ ޓިކެޓްގައި ނ.އަތޮޅު މާފަރު ކައުންސިލް މެންބަރުކަމަށް ވާދަކުރެއްވުމަށް ބޭނުންފުޅުވާ، ޝަރުޠު ފުރިހަމަވާ ފަރާތްތަކުން 07 ފެބްރުއަރީ 2012 ވާ އަންގާރަ ދުވަހުގެ ހަވީރު 4:00 ގެ ކުރިން އެޕްލިކޭޝަން ފޯމާއި ވަނަވަރުގެ އިތުރުން އިލެކްޝަންސް ކޮމިޝަނަށް ހުށަހަޅަންޖެހޭ އެންމެހައި ލިޔެކިޔުންތައް، އެމްޑީޕީގެ ޤައުމީ ސެކްރެޓޭރިއަޓް (ހ. ޝަރާޝާ، މާލެ) އަށް ހުށަހެޅުއްވުން އެދެމެވެ. ފެކްސްކުރައްވާނަމަ މި ޕާޓީގެ މައި ސެކްރެޓޭރިއަޓްގެ ފެކްސް ނަންބަރު 3322960 އަށް ފެކްސް ކުރެއްވުން އެދެމެވެ. މެއިލް ކުރައްވާނީelections@mdp.org.mv އަށެވެ.
ލޯކަލް ކައުންސިލް އިންތިޚާބަށް މިޕާޓީގެ ޓިކެޓްގައި ކުރިމަތިލައްވަން ބޭނުންފުޅުވާ ފަރާތްތަކުން ފުރަންޖެހޭ އެފްލިކޭޝަންފޯމް ރަސްމީ ގަޑީގައި މިއޮފީހުން ދޫކުރާނެއެވެ. އަދި މިފޯމު މި ޕާޓީގެ ރަސްމީ ވެބްސައިޓް www.mdp.org.mv އިން ޑައުންލޯޑްކުރެވޭނޭ ވާހަކަ ވެސް ދެންނެވީމެވެ.
މި ބައި-އިލެކްޝަންގައި އެމްޑީޕީގެ ޓިކެޓްގައި ވާދަކުރެއްވުމަށް، ޝަރުތުހަމަވާ އެއް ބޭފުޅުންނަށް ވުރެ ގިނަ ބޭފުޅުން ކުރިމަތިލައްވައިފިނަމަ، ލޯކަލް ކައުންސިލް އިންތިޚާބުގެ ބައި-އިލެކްޝަންގައި އެމްޑީޕީގެ ޓިކެޓްގައި ވާދަކުރައްވާނޭ ކެންޑިޑޭޓަކު ކަނޑައަޅާނީ މި ޕާޓީގެ އިންތިޚާބާއި ބެހޭ ކޮމިޓީގެ ބެލުމުގެ ދަށުން 8 ފެބްރުއަރީ 2012 ވާ ބުދަ ދުވަހު ބާއްވާ ޕްރައިމަރީއަކުން ކަމުގައި ދެންނެވީމެވެ.
ވީމާ މިވާހަކަ އާންމުކޮށް އެންގުމަށްޓަކައި އިޢުލާންކުރީމެވެ.
އިތުރު މަޢުލޫމާތު ހޯއްދެވުމަށް މިއޮފީހުގެ ނަންބަރު 3340044 ފޯނާއި ގުޅުއްވުން އެދެމެވެ.
2 ފެބްރުއަރީ 2012
-ސެކްރެޓޭރިއަޓް-
[ވިދާޅުވޭ...]
MDP/2012-DN-003
އެމްޑީޕީގެ ބޮޑު ޖަލްސާއަކަށް ޚަރަދުކުރުމަށް ކަމަށް ބުނެ، މި ދުވަސްކޮޅު، ވިޔަފާރިވެރިންނާއި ބައެއް އާންމުންގެ އަތުން ބަޔަކު ފައިސާ ނަގަމުން ގެންދާ ކަމުގެ މަޢުލޫމާތު މި އޮފީހަށް ވަނީ ލިބިފައެވެ.
ނަމަވެސް އެއީ މި ޕާޓީގެ އެއްވެސް ގުނަވަނަކުން އަންގައިގެން ނުވަތަ މި އޮފީހަށް އެނގިގެން ކުރާ ކަމެއް ނޫން ކަމަށާއި، ޕާޓީގެ ނަމުގައި މިފަދަ ޙަރަކާތްތައް ހިންގާ ފަރާތްތަކާއި މެދު ސަމާލުވުމަށް މި ޕާޓީގެ ލޮބުވެތި މެންބަރުންނަށް އިލްތިމާސްކުރަމެވެ.
28 ޖެނުއަރީ 2012
އެމްޑީޕީ ސެކްރެޓޭރިއަޓް
[ވިދާޅުވޭ...]
އުފާވެރި ގައުމީ ދުވަހުގެ މުނާޞަބަތުގައި އެމްޑީޕީގެ ލޮބުވެތި މެންބަރުންނަށާއި، ދިވެހި އެންމެހާ ލޮބުވެތި ރައްޔިތުންނަށް ތަހުނިޔާއާއި މުބާރިކްބާދީ އަރިސްކުރަމެވެ..
[ވިދާޅުވޭ...]
އެމްޑީޕީގެ މާލެ ސިޓީގެ ނައިބު ރައީސް އަދި ރައީސުލްޖުމްހޫރިއްޔާގެ ގެކޮޅު، މުލިއާގޭ ސީއީއޯ އަބްދުލް މަޖީދު އަބްދުލް ޝަމީމްގެ ކޮއްކޮ މ.އަލިމަސްވާދީ މޫސައިދީ މި އަދު ނިޔާވުމާއި ގުޅިގެން އެ މަރުޙުމްގެ އާއިލާއަށް އެމްޑީޕީން ތައުޒިޔާ ދަންނަވަމެވެ.
[ވިދާޅުވޭ...]
ތަހުގީގު ނުހިންގޭ ޝަރުޢީ ނިޒާމެއް ބޭނުމެއް ނޫން - ޠޯރިޤް
އަޅުގަނޑުމެންގެ މައްޗަށް ސާބިތު ނުހިފޭ ދޮގު ވާހަކަ ދައްކާނަމަ ޖަވާބުދާރީވާން ޖެހޭނެ. ނޫނީ އޮންނަން ޖެހޭނީ ކުޑަގޮޅީގައި - ޝިފާޒް
އިބްރާހީމް ރާމިޒް/ފަހަލަ ސައީދު
މިރާއްޖޭގެ ގައުމީ ދިފާއީ ބާރާއި ސަލާމަތީ ބާރުތަކަށް އަމުރުކުރުމުގެ އެއްވެސް ބާރެއް ކޯޓުތަކަށް ލިބިގެން ނުވާ ކަމަށް އެމްޑީޕީގެ ޗެއަރޕާސަން އަދި ރައްޔިތުންގެ މަޖިލީހުގެ ހުޅުހެންވޭރު ދާއިރާގެ މެންބަރު ރީކޯ މޫސާ މަނިކު ވިދާޅުވެއްޖެއެވެ…
[ވިދާޅުވޭ...]
އެމްޑީޕީއަށް ގިނަގުނަ ޚިދުމަތްތަކެއް ކޮށްދެއްވާފައިވާ، އަދި ސަރުކާރުގެ ވެސް އިސް މަގާމުތަކެއް އެކި ދުވަސްވަރު ފުރުއްވި މަޝްހޫރު ވިޔަފާރިވެރިޔާ، ކަނޑި އަހުމަދު އިސްމާއިލް މަނިކު މިއަދު ހެނދުނު ސްރީ ލަންކާގައި އަވަހާރަވުމާ ގުޅިގެން، މި ފުން ހިތާމައިގައި ބައިވެރިވެ، އެމްޑީޕީގެ އެންމެހާ މެންބަރުންނާއި ޕާޓީގެ ޕާލަމެންޓްރީ ގްރޫޕާއި ސެކްރެޓޭރިއަޓް އާއި، ޕާޓީގެ ލީޑަރޝިޕްގެ ނަމުގައި އެ މަރުޙޫމްގެ އާއިލާއަށް ތަޢުޒިޔާ ދަންނަވަމަވެ.
[ވިދާޅުވޭ...]
އެމްޑީޕީ މުލަކު ދާއިރާގެ އޮފީސް،
ރޯޝަނީގެ ، މ.މުލައް
.
ނަމްބަރު : MDP/MD/2011/04
އިޢުލާން
މިދާއިރާގެ ތިރީގައި މިދަންނަވާ ގޮފިތަކުގެ ހިންގާ ކޮމިޓީ އިންތިޚާބު ކުރުން 09 ޑިސެމްބަރ 2011 ވާ ހޮނިހިރު ދުވަހު މި ދާއިރާގެ އޮފީހުގައި އޮންނާނެއެވެ.
1. އެމްޑީޕީ މުލަކު ރޯޝަނީގޮފި
2. އެމްޑީޕީ މުލަކު ރައްޔިތުންގެ ގޮފި
3. އެމްޑީޕީ މުލަކު ވިންދު ގޮފި
4. އެމްޑީޕީ މުލަކު ޒުވާނުންގެ ގޮފި
5. އެމްޑީޕީ މުލަކު ރަބީޢު ގޮފި
ވީމާ، މިމަގާމުތަކަށް ވާދަކުރައްވަން ބޭނުންފުޅުވާ، ޝަރުތު ހަމަވާ ބޭފުޅުން 04 ޑިސެމްބަރ 2011 ވާ އާދީއްތަ ދުވަހުގެ މެންދުރު 12.00ގެ ކުރިން އެޕްލިކޭޝަން ފޯމާއި ވަނަވަރު ދާއިރާގެ އޮފީހަށް ހުށައެޅުއްވުމަށް ދަންނަވަމެވެ.
ފެކްސް ކުރައްވާނަމަ 6720611 އަށް ފެކްސް ކުރެއްވުން އެދެން. އަދި އީމެއިލް ކުރައްވާނަމަ mulaku.daairaa.K2@gmail.com އަށް މެއިލް ކުރެއްވުން އެދެމެވެ.
އިތުރު މައުލޫމާތު ހޯއްދެވުމަށް 7846937 ، 7778410 ، 7785000 އާއި ގުޅުއްވުމަށް ދަންނަވަން.
29 ނޮވެމްބަރ 2011
ސެކްރެޓޭރިއަޓް
[ވިދާޅުވޭ...]
MDP/2011-041
ވަޒީފާގެ ފުރުޞަތު
މިޕާޓީގެ ޤައުމީ ސެކްރެޓޭރިއަޓްއަށް ތިރީގައި މިދަންނަވާ މަގާމްތަކަށް މީހުން ބޭނުންވެއްޖެއެވެ.
މަޤާމް: ދާއިމީ ކޮމިޓީތަކާއި ބެހޭ ސެކްރެޓަރީ
ބޭނުންވާ އަދަދު: 1
ފެންވަރު ނުވަތަ ޝަރުތު: މަޤާމުގެ މަސައްކަތްކުރުމުގެ ހުނަރު / ޤާބިލްކަން ހުރިކަން ސާބިތުކޮށްދިނުމާއެކު، ދަށްވެގެން ސާނަވީ އިމްތިހާނަކުން އިނގިރޭސިއާއެކު ދެ މާއްދާއިން “c” ގްރޭޑް ލިބިފައިވުމާއި، ސެކަންޑްރީ ސްކޫލް ސެޓްފިކެޓް އިމްތިޙާންގައި ދިވެހި މިމާއްދާއިން ދަށްވެގެން “c” ގްރޭޑް ލިބިފައިވުމާއި، ކޮމްޕިއުޓަރަށް އަހުލުވެރިވުން.
މުސާރަ: 5000 ރުފިޔާ އާއި 7000 ރުފިޔާ އާއި ދެމެދު
މަޤާމް: ރިސެޕްޝަނިސްޓް
ބޭނުންވާ އަދަދު: 1
ފެންވަރު ނުވަތަ ޝަރުތު: މަޤާމުގެ މަސައްކަތްކުރުމުގެ ހުނަރު / ޤާބިލްކަން ހުރިކަން ސާބިތުކޮށްދިނުމާއެކު، ދަށްވެގެން ސާނަވީ އިމްތިހާނަކުން އިނގިރޭސިއާއެކު ދެ މާއްދާއިން “c” ގްރޭޑް ލިބިފައިވުމާއި، ސެކަންޑްރީ ސްކޫލް ސެޓްފިކެޓް އިމްތިޙާންގައި ދިވެހި މިމާއްދާއިން ދަށްވެގެން “c” ގްރޭޑް ލިބިފައިވުމާއި، ކޮމްޕިއުޓަރަށް އަހުލުވެރިވުން.
މުސާރަ: 4000 ރުފިޔާ އާއި 6000 ރުފިޔާ އާއި ދެމެދު
މިމަޤާމަށް ކުރިމަތިލައްވަން ބޭނުންފުޅުވާ ޝަރުތުފުރިހަމަވާ ފަރާތްތަކުން 30 ނޮވެމްބަރ 2011 ވާ ބުދަ ދުވަހުގެ ހަވީރު 4:00 ގެ ނިޔަލަށް، އެމްޑީޕީގެ ޤައުމީ ސެކްރެޓޭރިއަޓް (ހ. ޝަރާޝާ، މާލެ 2 ވަނަ ފަންގިފިލާ) އަށް ސިޓީއާއި ވަނަވަރު ހުށަހެޅުއްވުން އެދެމެވެ.
އިތުރު މައުލޫމާތު: ފޯން 3340044، ފެކްސް 3322960، އީމެލްއިލް: secretariat@mdp.org.mv
28 ނޮވެމްބަރ 2011
[ވިދާޅުވޭ...]
